احنا هنا بالمنتدى يمكن نشارك نكتب بس لو ان كل واحد كتب من واقع تجربته بالحياه كان الكل استفاد

كلامي اليوم مو كلام عادي اشارك فيه وبس .....لا لكن شفت بمنتديات التربيه موضوع للاخت صامطيه الموضوع عن الشغب بالمدارس وبالاصح قلة احترام المعلمه والمعلم

احنا هنا ننظر للموضوع من ناحية والله هذا الطالب قليل ادب والله الطالبه ماتستحي ولا تحترم المعلمه

لو نظرنا للموضوع من منظور مين وصل الطالب والطالبه للمستوى المتدني هذا لوجهنا اصابع الاتهام للمعلم /هـ

يمكن البعض راح يختلف ويزعل مني بس لازم نعترف بالحق
احنا لو بس نعطي الطالب /هـ .... شوي من وقتنا يعني مانخلي اليوم ممل وروتين ممل يعني شوي نضحك بالحصه قبل الدرس شوي نسأل عن الطالب /هـ اذا كان غايب قبلها بيوم

مو عيب لو قلنا سلامات اشفيك غايب ايش فيك غايبه مانسأل عن الطالب الممتاز ونترك الطالب المهمل كلهم لهم نفسياتهم يعني لو نسأل لو نعطي الطالب كلمة اهتمام او نظرة عطف

الطلاب والطالبات امانه راح نسأل عنها يوم القيامه كيف حافظنا عليها وكيف اديناها

وربي يكسر خاطري لما تجي الام تسأل عن بنتها وينقال لها بنتك كسلانه ليه ماناخذها على جنب
ونقول لها بنتك كويسه بس يبغى تشدي عليها شوي انتبهي لها علشان تجيب درجات عاليه

مافيه احد جبر احد على التدريس اما يكون المعلم معلم او انه يترك المجال لغيره

واحنا اولاً واخيراً بشر قد نخطي وقد نصيب بس نحاول ان نرتقي بانفسنا للأحسن
دمتم بحفظ الرحمن

(الخزامى)