ياشيخ أشوفك شارد الذهن مشغول ! = الله يعينك يا نطيح الثقيله
مثلك جعله الله على الناس مسئول = من فوق حمله حمل غيره يشيله
ومثلك يذب الريع والحمل منقول = يقطع به الفرجه ولو هي طويله
ومثلك كما سيفٍ شطيرٍ ومسلول = ليا كبرت القاله فصلها فصيله
ومثلك يفتّح بالرجا كل مقفول = ضحكة احجاجه كل همٍ تزيله
لاتشغل الخاطر ! ترى العبد مكفول = عادات ربّي في عباده جميله
حكمةٍ عزيزٍ جاعل الغيب مجهول = والله جعل في كل قلبٍ ! دليله
آمر ترى لازمك حاصل ومزهول = بأرواحنا نشريه !! لو هي قليلة
من راد بك شرٍ ! دحرناه مخذول = ومن راد بك خيرٍ ! نرد بمثيله
يجزاك ربّي عن سجاياك بقبول = كم ناصرت يمناك معدوم حيله
|
 |
رد مع اقتباس