رووووووووبي
الشعر الساخر نافذة جميلة وقديمة ومساحة حرة,,
فهاهو فيصل الخالد بسخر بمرارة فيما يبدو من حال الأغنية ,, وجمهورها
وهاهي المطربة او الراقصة (لافرق هذه الأيام) روووووبي تحتل حيزاً من سخرية فيصل الخالد...
علم اللي ما يشوف المسفهله روبي = مابعد شاف الدلع والضحكة السحريه
قله ان الحسن هذا غايتي ومطلوبي = وقله ان الناس طاحوا في هوى المصريه
لعنبوها بهذلتني وبهذلت مندوبي = من سبايبها عشقت الفول والطعمـــــــــــيه
غيرت طبعي وذوقي وبينت عذروبي = بعد ماكان الجميع يعدني شخصيه
آه لو تدري وتقدر آه لو جت صوبي = غير يفداه الحلا وتأخذ الجنبيه
قمت انقز بالفنادق وارتكز باللوبي = واتخيل كل بنت تمرني روبيه
واتسمع بالاغاني رايق ومطروبي = واتصورها بجنبي وما سكة فـ ايديه
وهي تنشدني يا (جحفان) يعجبك اسلوبي؟= قلت غيرك ما عجبني وانتي الصدقيه
اي كاظم اي ناظم منهو الشرنوبي ؟ = انتي بعيني تراك الساحة الفنيه
من فرحت قربت لي ورددت "محبوبي" = مير اغمض لاني عارف ناوية لي نيه
ما وعيت الا رجال الهيئة تسحب ثوبي = واسمع صراخ العساكر "اركب الدوريه"
قلت ابفهم وش ذنبي لي جرجرتوبي؟ = كلها الدعوة خيال وفكرة ورديه
قالوا حتى في خيالك لاتقرب روبي = مالك الا كبسة امك واترك الطعميه
تحياتي الجحفانية
|
 |
رد مع اقتباس
