وحشتيني
وحشتيني ووحشني جدك وهزلك
وما اظنك نسيتيني
وحشني كلامك وصوتك وهمسك
تعالي واسكني عيني
احبك مهما طال وزاد بعدك
ولو تبعدك ظروفك وتجفيني
طيفك وزولك دايم بعيني وحبك
ساكن بداخل شراييني
اقضي الليل مع حروفك وذكراك
انيس لي تصبرني وتسليني
وكل ليله وانا ساهر اهوجس فيك
واسمع صوتك كنه يناديني
تعالي خذيني كني طفل بحظانك
وبهديك ورودي وبساتيني
تعالي صدك وبعدك بدون اسباب
يحرقني ويكويني
تعالي عطرك ريحه بكفي
من لامست يدينك ايديني
تعالي انا عاشق ذبت بهواك
من راسي لرجليني
تعالي وهذي مني لك رساله
ومدي يدينك كانك تحبيني
تعالي ابي اسهر ليلي انا وياك
ابي اداعب خصال الشعر بيديني
تعالي وان لقيتيني عاشق يحلم
رجيتك بالله لاتصحيني
تعالي واطلبي كل شي جاك
بس انساك اعفيني
تعالي حبي بسرعه انا جفت اقلامي
وضاعت كل عناويني
تعالي وخوفتي لو تأخرتي
بقالك بس ترثيني
وقولي باول بيت راح عشيق الليل
واسمحيني وانتي تبكيني
وثاني بيت قولي راح حبيبي
وهو يقول وحشتيني وحشتيني
رد مع اقتباس
