يالله حييهم
شلونكم عساكم بخير
من مايعرف برنامج Nokia pc suite
فاك الازمات حلال المشكلات الصعبه < تايد مب برنامج
طيب وان قلت ان فيه برنامج افضل منه
ايه انا بكامل قواي العقليه اقول Nokia OVI suite افضل من اللي قبله
يكفي قرقره نبدا بالشرح الحين
اول شي نجهز الادوات المطلوبه
1- سلك USB خاص بالجوال ( يرجى وصل الجوال بالحاسوب لأداء افضل )
2- نحمل البرنامج
Nokia OVI Suite
حجمه 98 ميجا
Download / تحميل
بعد مايخلص تحميل نشغله ونبدا التنصيب
نختار اللغه اللي نبي ونضغط next
ننتظر شوي لين يخلص تثبيت
نضغط على انهاء وبكذا تم تنصيب البرنامج
بتلقون ايقونة البرنامج على سطح المكتب
نشغله ونكمل اعدادات
كليك على ابدا
بيتعرف على جوالك
ممكن ياخذ وقت شوي
هنا بيقولك سمي جوالك
طبعا تلقائي بيسميه على اسم بلوتوثك واحيانا على اسم الجوال نفسه ( مثل Nokia N900 )
هنا بيقولك عن حساب الاوفي
هالحساب تحتاجه في تحميل البرامج من متجر الاوفي والمشاركه وغيرها
اذا ماعندك حساب وودك تسوي واحد سجل بياناتك في هاذي الخطوه
اذا عندك حساب في الاوفي اضغط على " لدي بالفعل حساب Nokia "
اما اذا ودك تتجاهل الخطوه اختار " تخطي هذا الامر في الوقت الحالي "
بهاذي الحاله انا اخترت تخطي
بكذا خلصنا الاعدادات
ننتقل للبرنامج
الحين بتطلع لكم الشاشه الرئيسيه للبرنامج بعدها بتطلع نافذه
الاشياء اللي بيصير لها تزامن مع الكمبيوتر
في كل مره تضغط على تزامن بيحدث الاشياء اللي اخترتها
ويشوف وش الجديد بجوالك ويحطه بالبرنامج
اذا ودكم كل ما شبكتم الجوال بالكمبيوتر يسوي تزامن حطوا صح عند خيار المزامنه التلقائيه
كليك على موافق
الشاشه الرئيسيه للبرنامج
تعرض لك بشكل متحرك اخر المعلومات في جهازك من ( الاسماء - الرسائل - الصور - الموسيقى )
الايقونات فوق من اليمين الى اليسار
الشاشه الرئيسيه ، الاسماء ، الصور ، الرسائل ، الخرائط ، الموسيقى ، التحديث
الفرق الوحيد اللي تميز فيه النوكيا بي سي عن الاوفي
انه بامكانك تشوف رسائل الوساط عن طريق البرنامج
بس في الاوفي ما تقدر تشوف الا الرسائل النصيه
ممكن تعرض الرسائل في الاوفي بطريقتين
( ايقونتين صغار على شكل رجال وشكل قوائم ) < لا عاد تشرحين
عرض حسب الاسم => يعني يجمع لك الرسائل الي جايه من رقم واحد وتشوفها تحت بعض
عرض حسب التاريخ => مثل ما تعرض لك بالجوال
في الرسائل يعرض الرسائل المستلمه والصادره مع بعض
مثلا لو حددت على رساله معينه بشوف الرسائل اللي ارسلها لي وارسلتها له تحت بعض
كانها محادثه
ما تطرقت لباقي الاقسام لأن مافي شي مميز او مختلف يذكر فيها
الخطوه التاليه < متعوب عليها
نجي للتحديث الحين
التحديث بالاوفي اسهل بكثير من البي سي
في النوكيا بي سي يطلب منك تحمل برنامج خاص بالتحديث وتسوي نسخه احتياطيه
بس هنا دمج كل هالاشياء بشكل سهل ومرتب
التجربه صارت على جوال 5610
نضغط على ايقونه التحديث
بيفحص اذا كان فيه تحديث جديد للبرنامج + يشيك على تحديث لجوالك
نضغط على تثبيت
اهم التعليمات قبل التحديث
تكون البطاريه مشحونه كامل
الجوال فيه شريحه
نتاكد ان الجوال مضبوط على أي وضع عدا وضع الطيران او خارج الشبكه
من عندي اذا في الجوال ميموري طلعوها
نختار كل شي .. من استعراض نختار المكان اللي نبي نحفظ فيه ملف النسخه الاحتياطيه
وننتظر لين يخلص نسخ
كليك على تثبيت
اهم شي انتبهوا ينفصل الجهاز وتاكدوا من شحن بطارية اللاب :/
بكذا خلص التثبيت
في الجوال اضبطوا الوقت والتاريخ .. واذا طلب منكم نوعية وصل الجوال اختاروا Nokia pc suite
استعادة الملفات
تلقائي البرنامج بيختار اخر نسخه احتياطيه سواها
فـ مباشره اضغطوا على ابدا
مبروك عليكم جهاز محدث وكل ملفاتكم فيه
شفتوا كيف سهوله وسرعه
الشي اللي يميز الاوفي وخلاني اعتبره افضل
انه بامكانك تسوي استعاده لأي ملفات نسخه احتياطيه
مو شرط من جوالك ممكن من جوال ثاني
شخصيا جربت هالشي خالتي جوالها Nokia 6600 و ما يشتغل
وعندي ملفات النسخه الاحتياطيه لها
سويت لها استعاده بالنوكيا اوفي الى جوال E50 واسترجعتها كلها حتى الرسائل
في البي سي مستحيل ترجع ملفات مب لجوالك
================================
Download / تحميل
================================
الموضوع لكم
|
 |
رد مع اقتباس