آه يادم الجروح اللي نثرته في القلم واضماه
آه ياحـزن كـتمتـه والليالي مـادرت
آه ياليل سهرتـه ليـل حـزن ويـا شـقـاه
آه يادمـع نـثـرته بـس عيني ما بكـت
أحترقت ببحـر وناتـي وخـلـي ياقـسـاه
يعرف بهـمـي ويعـرف نـار قلبي ما هدت
ون بغيت أطلب وصاله أعـتقد علمي معاه
بـس فـيه علوم تخفـى مع هواجيسي سرت
طاغي حبه بقلبي يلتمس يـبـغـي النجـاه
والتمس يحضن جروحي إن حصـل ونها نجت
وأهتوي قارب يسافر يحمـل جروحي معـاه
وأشتقي وأعذره قلبي ون جروحه لك حكت
قاسي قلبك حـبـيـبي قاسـي مثـل الصفاه
ذي دموعي ذي جروحي عندك الليله شكت
وأنسحبت وصار قلبـي طفل فـي غبة فـلاه
يبـكي ودمعـه قوافي حـزن للعاقـل بدت
أحترقنا.. وأفـترقـنـا.. آه زودنـا ضمـاه
حـبـنا ماضي وضامي .. منكم أقلامي ضمـت