لا تشتكي من جور الايام للناس
ادفن همومك في ثرى الصمت كله


اسرار عمرك خلها تحت الانفاس
لا صار هراج القفى مافطن له




هذاك يفرح لالمس جرح الاحساس
وهذا مناه اليا لقا فيك عله
جو الربيع بعجة الصيف ينحاس
لا جت هروجٍ ماتجي في محله




داعب هموم الليل لاهب نسناس
وعطه الخبر من قلب خلٍ لخله


قله خليلك ماوطا قلبه الياس
حتى عذابك بالهوى جايزٍ له



تعيش بالوجدان ماعاش هالراس
لولاك قلي وش انا عايشٍ له
ان زانت الايام ياشوق لاباس
والا صبرنا لين ربك يحله

م ن