يا قديم الغوص في بحر الهوى
وش لقيت بغبة البحر الغزير
علم اللي جس شطه واهتوى
ما بعد جرب طويله أوقصير
قالوا انه من جمع أمر حوى
فيه سر وفيه شر وفيه خير
واسمع انه من لمس شطه غوى
ما يفرق بين بحره والغدير
واسمع انه من تركه ونوى
يجذبه سحره ويرجع له كسير
لو تجرح فيه قلبه واكتوى
مايتوب ولا يريح ويستخير
وش جمع حلوه على مره سوا
هي حلاوة الحب في الكاس المرير
هو صحيح ان الهوى ماله دوا
خبر اللي جالك عاني يستشير

دايم السيف