يوم 25
مساء الخير إخواني أعضاء منتديات صامطة الأعزاء والاخوه الزوار الكرام
اليوم هو يوم 25 يعني يوم الراتب يعني يوم توزيع الراتب البنك ياخذ , صاحب البقاله ياخذ ,
صاحب المغسلة ياخذ
قطه الاستراحة , قطة الفطور, مقاضي البيت , وممكن للوالد نصيب ويمكن لا
ابسأل سؤال مين منا خصص مبلغ من الراتب لاغلى الناس ؟
الشخص الى منتظر منا أي شيء يحسسه باهتمامنا فيه وحبنا له
وللاسف يجي شهر ويروح شهر واحنا ما نعطيه الا اذا طلب وأحيان يطلب وما نعطيه
قمة السذاجة قمة الجحود قمة النكران صراحة احنا ما عندنا دم وما عندنا وفا
يا ناس خلونا نكون اوادم ونحس شوي
طبعا كلنا عارفين مين اقصد وفيه اغلى من الام ؟
والله لو 100 من ولدها تسوى عندها الكثير
خصص لها من راتبك 100 , 200 , 300 الي تقدر عليه لا يجي احد يقول لي 300 كثير يا كذاب هذي قيمه عشا ليله تحاسب فيه مع الشباب تسوي فيها كريم وقيمه عطر جديد رغم ان عندك 5 غيره , والا هيه يا عزيزي لو تعطيها رواتبك كلها مو 300 ما وفيتها حقها
عموما اتمنى من الناس الاوادم الي تحس والي تشتري بمالها اليسير رضى الله ثم رضا الأم انها تبدأ من اليوم الي هو يوم 25 تخصيص مبلغ لأغلى الناس لا احد يقول الشهر الجاي بابدأ ممكن يكون هذا آخر يوم 25 .
|
 |
رد مع اقتباس
