خلاص الحين يادنيا أظن
مالي معاك حساب
واظن مافي أبد مانع تصافيني
ونكون اصحاب


سويتي يادنيا العجب كافيني
حرمان وتعب
كافي علي عمر انحسب واقع
وهو أصلا سراب


أيام قالوا عشتها دورت
وماحصلتها حاضر
مع العالم وانا مكتوب
جنب اسمي غياب

ياوقت خذ صفحة وقلم
واحسب لي بالضبط الألم
دور سنيني الي مضت وأسألها
تعطيك الجواب

ليه الزمن يلبس قناع
ويعلم الصدق الخداع
ويخلي لحظات الفرح ساعات
من ليل وعذاب