اشـــتريك

اشتريتك بألف صبر وألف سمع وألف طاعه
شوف كم مره شريت رضاك ما فكرت ابيعك
كنت في عمري يقين صرت لأحساسي قناعه
من شرا بصيفك وضم شتاك يستاهل ربيعك

صوتك اللي ذاب فيني شوق واطربني سماعه
لو طرا لي في منامي صادق احساسي يطيعك
والزمن؟؟ قلت الزمن ما هو قليل ان غبت ساعه
ما استطيعه وانته فيه وشلون لي غبت استطيعك
ما يبدلني زمان ولا تغيرني قطاعه
دام باقي لي في عمري يوم ما فكرت ابيعك
والزعل؟؟ قلت الزعل ما هو لمن مثلي بضاعه
وانت بعضك يا رفيق العمر يكفي عن جميعك