مشـــكلتي اهـــواه وحبه هو مجننـــي
والمشــكلة عـن هوايــا ماهــو بـدراي

***
أخــاف أبــــوح بهوايــا لا يخجلنـــي
وأخاف يزعــل علي ويزيــد فـي ناري

***
محتار مدري شســوي حيل شـــاغلني
مليت أفكــر ولاهي نافعــه أفكــاري
***

ما ادري اعذرة عشانه ماهو فاهمني
ولا ألـــومـه عشـــــانه ســـبة مراري

***
ساعات أرضى وأقول كافي يكلمني
كافي إنه يسأل علي وياخذ أخباري

***

ساعات اطمع ابيه كل يوم يقابلنــــي
جنني حبــــــه ولا هو بحالتــي داري