بسم الله الرحمن الرحيم
احبتي اعضاء هذا الصرح القافي الجميل
السلام عليكم ورحمة الله
اعرفكم بنفسي: اخوكم / احمد بن عبيدالله المنتشري ( شاعر نبطي )
لقد تشرفت بالإنضمام الى هذا الصرح الثقافي الجميل بكم ويسعدني ان اصافحكم بقصيدتي (( القويزة )) وكانت رد فعل على مطلع لقصيدة كنت ناوي اكتبها وارسلتها لأحد الأحباب الذين اعتز برأيهم دائما حول ما أطرحه من شعر فرد علي بأنها جزلة ولكن لا أنشرها فكانت هذه المتواضعة ردة فعل مباشرة لما سبق اتمنى ان اتنال رضاكم و ترتقي الى ذائقتكم الجميلة:
(( القويزة ))
ارسلت مطلعها لمن يسبرها=اشوف رايه مثلما وصاني
وقال جزله بس لا تنشرها=منته بناقص ياعذاب الجاني
بس الصراحه جبتها لأخرها=حتى القويزه هبتها بالعاني
يعني تعالوا شاهدوا منظرها=من عام تبكي وحالها بكاني
لا شي متغير ولا سطرها=ما غير غطى سورها للثاني
والمسك يالبا اسمها معطرها=الماي حالي وعطرها وجداني
والسيل لايمكن يزيد احفرها=كل الشوارع تمشي بالميزاني
قلت اشبلاك الهم في محورها=ماغير كل يعتزي يا اخواني
كل نسى وشصار ياحاضرها=ما غير خالد شايفه وحداني
الله يعينك الف يامطورها=ياولد فيصل ياعظيم الشاني
ياسيدي الوالي هنا بظهرها=والله وكيلك بشلة الفسداني
واستأذنك اجنح على وافرها=راعي الوفى والطيب اكحيلاني
ياخادم البيتين وكل ذخرها=منا التحيه ريحها اقحيواني
ياتاج كل الأرض يا ساحرها=بالجود والرحمة بقلب انساني
يا سيدي والحال من ساترها=الهمّ في قلبي غزى شرياني
العيش ضيق والحياة ماعسرها=والوضع مزري والنفوس اتعاني
والدين اقلق راحتي واقهرها=والناس ماترحم ظروف العاني
والكل يطلب فسحته ماصغرها=وانا كبير بعينهم ( ورعاني )
السالفة ياسيدي بقصرها=غنى بها مستور والميزاني
جابوا السوالف كلها واكثرها=حول المواطن وانته الفهماني
هذه قصيدة جتك من شاعرها=احمد عبيدالله من الحفياني
هذا وامانة من قرأ ينشرها=يمكن تلبي حاجة العطشاني
وصلاة ربي عد من كررها=على محمد خاتم الأدياني
اما القصيدة نسيت ما احررها=لما لفاني الرد/ جا وانساني..!!
ارسلت مطلعها عسى يشكرها=لكن لقيته عكس ما وصاني
وسلامتكم
شعر
احمد المنتشري
02/12/1431هـ
|
 |
رد مع اقتباس
