اعترف لك ما بقى من عالي الهمه سفـــوح

انحدر كلي مثل طفل تحدر مدمــــعه

من يبي بالله يفتح لي غلق صدره و ابــوح

ضاقت الدنيا بشاعر طيب قلبه ضيــــعه

ما قبلنا الحظ قولي وين ابارحل ويــــن اروح

الصبر ياهو يعذب و الاماني موجـــــعه

اه يا جود الحزن وياي و الفرحه شحـــوح

ضايعٍ بهمومي الغبرا بوسط المعمــــــعه

اشتكي لوسادتي دنياي واسمعها تنـــــوح

كنها بعضي وبعضي وين هو من هومـــــعه

ايه انا و العالم المغرور و الياس اللحــــوح

خايضٍ حرب الرياح اللي تسوق الاشـــرعه

مختلط في عبرتي حبر الشقى ودم الجـــروح

ومستوي في نظرتي غرب الوجود و مطــــعه

عودي المبري بقى به من عطايا الوقت روح

وفصل خامس حاير بين الفصول الاربــــعه

وراس مالي ذكريات حلم وأمال و طمـــوح

لا صديق ولا رفيق ولا طريقٍ واتبــــعه

نوب اسافر في سديد الراي ونوبٍ في جنــوح

مختفي صوت الحقيقه كيف وش لون اسمعه ؟