يادمعة تحمل في وسطها بيت
بيت الحبيب اللي ذبحني غيابه
يادمعتن سالت وناديت ياليت
ياليت عيني ماتبين صفاته
يابيت لاتزعل مع الوقت هليت
دمعي على ركنه وحضرة جنابه
مدري وش اللي حدني يوم طليت
وانا من اصلي خاطري ماطرابه
شفت الصور تعرض علي وتغافيت
وسويت حالي غير بالي وآبه
وربي اني من شموخي تهاويت
هذا الغلا يفتح من القلب بابه
يابيت ضميتك من الشوق يابيت
ماعدت اجاري لوعتي في اغترابه
سمعتها أبيات ومن ضمنها بيت
بيت يوصف حالي اللي قرابه
خانتني الدمعة وطاحت وصديت
يلعن أبو التفكير مقوى صوابه
۩۞۩ من مدونـــــة صديق ۩۞۩
|
 |
رد مع اقتباس
