ياشين ناس (ن) ماتعرف المواجيب
وجبتهـا صــدت ولا وجبتـنـي
الطيب يجزا ياااهل الطيب بالطيـب
لكـن سـودان الوجيـه أجحدتنـي
ماجيت ادور من وراهـم مطاليـب
والله ماغيـر العـلـوم أغبنتـنـي
ولا جيت اجرب طيبتـي للاجانيـب
ولاني مجاوبها لـو انهـا أنشدتنـي
معروف ساسي مادنس ثوبي العيب
يومي وغد مافيه نـاس احقرتنـي
ماني ولد لاشـن ولـوه المعازيـب
تامـر علـي المترفـات ولهتـنـي
انا ولد عـود(ن) قليـل العذاريـب
كم ديرت(ن) من طيب ابوي عرفتني
فيالله ياللي عالـم السـر والغيـب
لاتخذلـن يـوم الوجيـه خذلتنـي
هقوه وخابت دايم تخيـب وتصيـب
لكـن سـودان الوجيـه أجحدتنـي
|
 |
رد مع اقتباس
