(( انــــا اتوحـــم.. افيدونــي ))
[][]السلام عليكم ورحمة الله
طبعاً الموضوع هذا يخص اخواتي الفاضلات .. ولا يخصنا نحن الرجال ...
وانا بما اني اعاني من مشاكل توحم من اعز ودايم تجي على راسي حبيت ان استفسر من اخواتي .. يمكن اجد حل
واقول ... ما هو الوحم .. هل هي حقيقة ام دلع زوجات واخوات . يعني دلع بنالت اجمالاً ........
السؤال هنا ؟؟؟؟؟؟؟؟؟ لماذا المراءة التي تتوحم . دايم تطلب الصعب ... يعني تطلب فاكهة الصيف في الشتاء وفاكهة الشتاء في الصيف ..
لماذا دايم تمسك مع المراءة الوحام ... اكل الذي لا يؤكل .. مثال فقط واحد .......... شوفوا بالله .. تبغى تاكل صابون ..
لا وصابون كامي كمان.. وليس صابون لكس .. شئ غريب .. بالله الصابون يؤكل ... مره واحد من اصدقاء . جاء عندي يشتكي لي . المسكين عريس جديد وما يدري ايش القصة يقلي انه كفش زوجته ما سكة قطعة صابون في اليمين وقارورة شانبوا في الشمال وجالسة تفطر .... فخاف يحسبها انقلبت جنية .. قلت له لا تخاف . هذا وحام وسينتهي
واحياناً وحام المراءة ينعكس على الرجل .. يا اما زوجته تكرهه وتكره ريحته المعفنه الي صابرة عليها شهور ويمكن سنين . لانه بعض الازواج الله يهديهم . ما يشم ريحته . ويحاسب المراءة ليش ما تتزين له وهو ما يتزين لها .. انانية من بعض الرجال .. المهم فيه حريم تأخذ الوحم عذر وتمتحن زوجها . كل شوي ريحتك خايسة ريحتك شينه .. تبغاه يتنظف شوي ....
نرجع لموضوعنا . المهم .. اقول بعض وحام الحريم يمسك على الرجال .. واحياناً تكون الحرمة تمون بزيادة على زوجها وكل شوي تطلب حاجه وهو المسكين رايح جاي ... يدور ..
في يوم من الايام واحد من جماعتنا . وكنا في مدينة جدة . توحمت زوجته على تونة ابو مدخنة . دور المسكين في جدة ما حصل . فجاء الي يستغيثني . قلت له روح الدكاكين الي في جدة . الي بين كل دكان ودكان دكان ... قلي والله دورت . ما لقيت .. المهم بعد عناء قررنا انا نتصل على احد الاخوان الموجود في جيزان ونخليه يرسل لنا كرتون تونه ابو مدخنة . طبعاً بسبب سرعة النقل لدينا ما وصل الكرتون الا بعد ان انتهت رغبة الزوجة . وصارت تكرهها . واول ما شافت التونة صرخت خرجوها برا ما ابغى اشوفها .. سبحان الله . الاسبوع الي فات كانت بتموت عليها واليوم تكرهها موت ... شئ غريب ..
واحياناً تمسك على اكل الطين . ولازم يكون طين احمر وليس اصفر .. مشكلة من فين تجيب طين احمر .. مرة صارت وحطيت مع الطين شطة على شان يحمر لونه . ايش يسوي الواحد .
اختم لكم بقصة هذا الوحم الغريب ...........
اعز صديق لي .. واخي الذي لم تلده امي ....... جاني بعد زواجه بثلاثة اشهر .. قلي تكفى اخدمني .. قلت ابشر افا احنا اخوان .. قلي يا اخي تدري اني توي متزوج .. وان الزواج كلفني مئتان الف ريال . وديون الدنيا كلها على راسي
قلت طيب خير .. قلي بيني وبين زوجتي مشاكل . اففففففففا ليش . قلي لها اسبوع امتحنتني طلبات . قلت له قول لاهلها . قلي يا اخي ما ابغى مشاكل . وما ابغى اكبر المسألة . انت ساعدني وبس . قلت ابشر .اطلب .
قال لها اسبوع تتوحم وتطلب حاجات غريبة . كلها جبتها الا طلب واحد . واخاف ما البيه وتزعل مني . وانا دافع دم قلبي
فيها. قلت انا معاك قلي مشينا .. والله نركب السيارة . وعلى الخطوط الطويلة مشاوير .. وكل ما سألته انته ايش تدور
قلي بعدين اقلك ..... وفجأة طلع خارج السكة ونزل على البر بالسيارة .. مشينا شوي طبعاً غرزت السيارة ..
وبعد ما اصبح خروجها صعب . نزل يجري مسرعاً متجه .. جهة . حمار كبير في السن (( اكرمكم الله )) الحمار كان تايه في الصحراء مسكين ما يدري وين يروح . طبعاً انا اجري وراه مدري ايش القصة .. المهم وصلنا للحمار . وانتو بالكرامة
وصديقي يحاول ان يمسك بالحمار . انا ضنيت انه يبغانا نركب عليه ونكمل مشوارنا لان السيارة مغرزة .. فاقله .. يا اخي ايش تبغى به هذا يا دوب يشيل نفسه ..
المهم صديقي يستحثني للامساك معه بالحمار . الذي لم يحرك ساكناً واستسلم لنا من اول نظرة ومن غير اي مقاومة تذكر .. فين حمير زمان . الي تجلس شهر تروض فيه .. المهم امسكنا بالحمار .. قلت هاه ايش تبغى به ..
قلي شوف يا اخي .. زوجتي متوحمه على حمار مندي ... وشارطه يا اجيب لها حمار مندي يا اوديها عند اهلها ..
وانا بصراحة ما ابغى اخسرها .. قلت والله شئ غريب . الحمار حرام اكله يا اخي . قلي وانا بذبح هذا الحمار وباخذ قطعه منه وبوديه لها ... المشكلة محد فينا عنده الشجاعة الكافية لذبح الحمار .......... قلت انا عندي حل .. قلي هاته.. قلت يقولون ان بعض المطاعم على الخطوط . فيها حمير مندي .. خصوصاً خط الساحل وخط الرياض
قلي تكفى مشينا ... المهم . رجعنا للسيارة . وبعد حوالي ساعة حتى خرجت مشينا على خط الساحل ولفيناها مطعم مطعم .. لكن للاسف .. ما لقينا .. كل ما جينا مطعم وشرحنا له القصة . وطلبنا منه لو نفر واحد بس .. طردنا وسوى لنا مشكلة .. ........ رجعنا جدة ...... بعد يوم كامل من العناء . كلمنا واحد من الاصدقاء .. فاعطانا قليل من الامل ..
قال انه يخبر مطعم مندي في خط الرياض يسوي حمير مندي .. فرحنا .. ومريناه وعلى طول .. على خط الرياض ..
ولما وصلنا . مدينة ظلم والتي كان المطعم بجوارها .. ذهبنا لمطعم صاحبنا لقينا المطعم .. مكتوب عليه بنشر..
قال صاحبي والله قفلوه .. قلت لا يمكن بنشر حمير .. خلينا نسأله .. سألناه . قابلنا بكل سخرية واستهزاء ..
وفي النهاية رجعنا الى جدة . ولم نفلح في وجود حمار مندي .. وبعد كم يوم .. نسيت الزوجة ..
ورجع كل شئ مثل ما كان .,..
لذلك انا اسأل هنا اخواتي هل ما يحدث من مشاكل وحم للمراءة والتي يعاني منها الرجل ايظاً .. حقيقة ..
ام دلع .. ستات . .. وانا ....... اعتذر للاطالة .. وقد زودت من عندي بعض الكلمات . على بعض القصص ... ولكن القصص حقيقية ... ومن تأليفي ...............
اسف اخواتي ........... تحملوني .. بس الموضوع يؤرقني ............. سلاااااااااااااااااااام[/color][/color]
|
 |
رد مع اقتباس
المشاركة الأصلية كتبت بواسطة مزوام
