^

ههههههههههههه
مابال هذه الصفحة مذاقها قسوة والم حقيقة تلذذت بمرارة العبارة هنا
واستمتعت بالقراءة بينما لا شيئ اقسى من هذه القصيدة

v

لو أدري أن قلبي لك اليوم ملهوف
لادوس قلبي وأحرقـه فـي ثواني
وياعل عيني ينعدم منها الشوف
لو نـاظرت لك نـظرة من حناني
وياعل فكرٍ ينشغل فيك مخفـوف
عقلٍ يفكر بك عسا دوم فاني
وياعل شخصٍ تبتلي فيه مايروف
يوصلك من حبك لحدّ الجناني
وأكون ماني من البشـر يوم موصوف
لو جيت لك ياقاتل الحـب عاني
ولو أنطق اسمك في لساني لو حروف
ياعل أسمك ينعقد به لساني
وماظن قلبك يعرف الحب ويلوف
لانك عديم أحساس كلّك أناني
في لحظةٍ قلبي معك كان ملقوف
ولبيت لك يوم أن حبك دعاني
وجيتك وانا ظامي وللحب مشغوف
محروم في دنيا بها الظلم جاني
أغرقتني بالحب لين أعتلى الطوف
وجرفتني في عالم الحزن ثاني
ورميتني في شاطئ الغدر مكتوف
وتضحك ولاحركتني من مكاني
وشلون لك قدره تجي منت مكسوف!!
مخلوق مثلك مايحرك كياني
وأعلنت هجرك لاتحرّى لي وقوف
قلبٍ نهيته عنكم ماعصاني



الشاعر والكاتب الاعلامي
محمد الحموان