القصيده التالية
قصيدة دعابة ولكن هادفه
صاغها الشاعر على شكل حوار بين بوش وخادمه الغبي بلير
اردت وضعها لترسم على وجوهكم البسمة ولكي تهمس في أذانكم كلمة
بلــــير
الله لا ييجزيك بالخير يابوش
...................ورطتنا في حرب صدام ورطة
عزمتني وتقول بترول وقروش
.................بس الحقيقة روحتي معك غلطة
:
:
بوش
يابلير رد العلم عن بوش بن بوش
...............الله خلقنا للمقاريد سلطة
أبوي عنده للرجاجيل دنبوش
.............كم واحد شلنا فلوسه ونفطه
:
:
بلير
أبوك والنعمين مير أنت مربوش
..........تموت بالبترول وتحب شفطه
صحيح عندك مال وسلاح وجيوش
...........مير أتوقع لك تدهور وسقطه
:
:
بوش
يابلير كانك خفت يوم احتمى الهوش
.........حرام ما تاخذ من النفط نقطه
قبلك ترى شيراك قد راح مكروش
.........شوفه يصرح كل يوم بمحطة
:
:
بلير
وراك ما تعطي لشيراك عرموش
.......تراه مشغلنا بشيه وحطه
وليا انتهى موضوعنا نرسل طروش
......ونجمع المبلغ من الربع قطــٌة
:
:
بوش
شيراك هذا عنده الفكر مغشوش
......فرط علي في مجلس الأمن فرطة
يدزه اليابان والصين ويطوش
......ومجهز الفيتو لتحقيق شرطة
:
:
بلير
يابوش أنا مرهق وخايف ومدهوش
.....أنت تقول الحرب خدعة وخطة
أسراي وأسراك انتلى منهم الحوش
......عز الله انه صابني منك جلطة
:
:
بوش
ماقلت لك كم فيه إذاعات ودشوش
......لا تكشف المعنى وأنا أقول غلطه
إن قالو إنا علوج وأصحابنا جحوش
......ما همنا الصحااف واللي يحطه
|
 |
رد مع اقتباس
المشاركة الأصلية كتبت بواسطة رديمه
