القصيده التي بتر لسان الشاعر وليد الرميشي بسببها
الثلاثاء, 10-مايو-2011
اليمن الجديد -
ندعي الأحزاب مدعى القبْيَـلَه...أن يعودوا للتفاهم والحـــــــــوار
وانت يا ابن غنيم خل البـلبــله...لا تشب النار يعميك الشــــــرار
شعبنا واحد عُـلـوّهـ واسفـــله...وامرنا شورى وللشعب القـــــرار
واليمانيون ما هـــم مـهـــــــزله...أو دُمى يلعب بها من جا وسـار
والتظاهـــر والشَـغَـب والقلقـله...ما وراهـا إلا المشاكل والــــدمار
والتنافس مش صياح و زومــله...في الشوارع أو تراشق بالحجـار
مَن معه جمهور واسع نــــــزّله...له في الـدستــور حق الإختيـــار
حق دستور اليمن يتكفـــــــله...والـدجى والليل يمحوهـ النهــــار
مطلب الشعب اليماني باكمله...ينتخب في موعدهـ دون انتظار
مـن حظى بالأغلبيه حَــــق له...أن يسـود الشعب ويقود القطـار
غـير هذا الحـــل ما با نقبــــله...والوطن غالي وفوق أي اعتبـــــار
هل يريد المشترك يـتـقــــاوله...هكذا من دون تصويت أو حــــــوار
مَن ذي اختارهـو مَن ذي وكّـله...قد بلـغـنا رشدنا ما احنا صغـــار
أنظـروا لا وين عقـله وصـّـــــــله...زج بالضعفاء وهو خلف الستـــار
كل هـمــه ديـــوله يا ديـــــــوَله...ما يهمه لو يـولـعـهـــــا بنـــــــــار
ليش الفوضى وأيش المسـأله...كلمـــا جـئ حــل لاذوا بالفــــرار
الهروب من الحــوار مماطـــــله...واعتراض الانتخـــابات انهيــــــــار
والحيل والمكر ما هـي مرجـله...والصغـــــاير ما يسووهـا الكبـــــار
واليمــــن في كل قلب "الأوله"...يا دعاة التفـــرقه والإنشطــــــــار
من معه مجنون واخبل عـقّــله...لا هنا يكفي وما قد صـار صـــــار
هل نريد الأم تصبــح أرمـــــــله...والفتــن والشــر في كل الــــديار
أم نريد الأفغنـــه والصـــــــومله...بعــد تحـقـيـق الرقــي والإزدهــار
ديننـــا الإسلام ديـن مـعـامــله...حـــرم الإرهاب تحت اية شعــــار
قال صلـي ضـم والا ســــــربـله...واحتـرم حــق الأخـّوه والجــــــوار
يا بلادي هذه أخطـر مـــــرحـله...أخرجي منهـا بعـــــزه وافتخــــــار
إفتــــــراق الصــف ذل وبـهــذله...واتحاد الصـف قــوه وانتصـــــــــــار
تقديري
ضوابط المشاركة
رد مع اقتباس