القصيدة ..

من زعلك
من زعلك في عيونك السود نظره
لا شفتها حسيت بالحزن واليأس
من زعلك طاحت من الليل قمره
خلت طريقي من المواعيد والناس
لو هو أنا.. بالله شوفيني مره
وأنا أعتذر للبَر .. للدر للماس
أبعتذر لنجومها في المجرة
وللما القراح اللي شربته من الكاس
حبيبتي أرجوك في القلب حسره
كافي زعل اشغلتي الفكر هوجاس
والله لو تدرين ها الحب جمرة
بين الضلوع تشب من حر الأنفاس
غديت طفلٍ ضايع فيه عبره
محدٍ سأل وشفيه ماقال لا باس
وهذا الغرام الله يكفيني شره
بعيش إحساسه و با موت إحساس


مع حبي
القبس