ياهيه ماني بظلم الايام ظالمك = والا انك اغلى من جميع البريه
وماني على غلطات غيرك بلايمك = لاصار ماهي في يديك ويديه
والمشكله ماهي بقسوة تفاهمك = المشكله وشلون تفهم عليه
اغليك واودك وبالعشق هايمك = واعقدلك حبال الوصال بيديه
والعهد يلزمني اذا كان يلزمك = وان كان مايلزمك مابه خطيه
ماجيت ادور سيطره وسط عالمك = لو سيطرتكم جت من الله خفيه
وحكم الغلا لو هو كما الغير حاكمك = ماتبخل ابحسنه وتاقع بسيه
وعلى سنين العمر ماني بحازمك = ان كان مالله جابك بطيب نيه
والحال خله عنك ماهو بهاممك = لم النوايا وكل نيه مطيه
مشكلتك اني بكل الاحوال فاهمك = ومشكلتي انك مانت فاهم عليه
|
 |
رد مع اقتباس