المشاركة الأصلية كتبت بواسطة أبو نوف
اهلاً بالجميع مع الشكر لصاحب الموضوع الاخ قلم
\
نشيد كنت تحبه / تحبيه أيام الطفوله ؟؟
مدرستي ما احلاها .. كنت مجبور ارددها
شخصيه كرتونيه كنت تحبها/ تحبيها؟؟
سنان يا سنان .. فرفور وشرشور والشلة ::sa03::
كيف كنت ايام طفولتك شيطيانيه ولامؤدب/بـه؟؟
وسط مايله لشيطنه بس كنت احصل في ديمي
ماهو الموقف الذي عرضت /ــتٍ فيه اهلك للاحراج؟؟
مرة جارنا طلب مفتاح السيارة من ابويه علشان عنده غرض ناسيه
قال ابويه روح واعطه المفاتح ودخل ينام .. اخذت المفتاح
وفكرت قلت ليه اعطيه وليه ابويه يعطيه يسوق وانا لا
رجعت المفتاح وصابيت انام والرجال انتظر وانتظر مافيه امل
راح قضى شغله مدري كيف وفي العصر قابل ابويه في المسجد
فلان مالك حق والله تقول لبنك يعطيني المفتاح وتدخل تنام وما يجيبه
يا خي قول ما ابغى اعطيك .. ابويه عادما اخذت السيارة ولا جاب
لك المفتاح قال لا !! قال امسحها فيه وابشر باللي يرضيك وعلى اقرب
مرخه يهزر ويلوي دخل البيت الا وانا لابس وناشر الملعب عادل وين رايح
قلت العب كورة قال والمفتاح قلت هاه هاه الثالثة ما كملتها الا والمرخ
متلوي على ظهري ومسوي خريطة المهم برد بطنه وبطن جاره وفلتني
هل كنت / ـتٍ ذات شخصيه قويه أم مغلوب عليك ؟؟
قوية عندما يحتاج الموقف فيما عداها متوسط
موقف حصل في طفولتك كان له دور في تغيير مجرى حياتك؟؟
ربما عشت طفولتي بحريه وعدم مبالاة ولم اتقيد بشخصية او اهتم بموقف
وتعلمت من اخطائي رغم صغر سني فعندما اخطئ لا اكرر وابحث
عن خطأ آخر وطريقة جديدة
هل كنت تلعب /يــن بـأوانـي المطبخ أو أدوات البيت؟؟
اي شي يفقد من المطبخ من ملاعق وفناجين يلقوها عندي بالذات ايام المطر
من كـان يدلعك أكثر أبوك ِ او أمك ؟
بويه اذا حضر وامي في غيابه .. فديتهم ربي يسعدهم
اســم دلعك بالطفوله لحد الان ينادونك فيـه ؟؟ وماهو ؟؟
عدولي .. حتى اليوم
بطفولتك كنت تبكي /يــن إذا ماجلست /تــي بالاول /لـى بالطابور اوالفصل ؟؟
عيب ماعندنا ذا الهرج عسى لابكي
عندك عضويه بسن توووب ؟؟<مين ماعنده
اجمل عصير عندي ينفع على اي سندوتش
عندك لعبه موجوده من صغرك إلى الآلآن ؟ وماهي ؟؟
للأسف العابي كثيرة لم تبقى منها سوى كرة القدم
وش اكـثـر حلاوة كنـت/ ـتي تحـبينها ..؟
سنكرس
وش اسم اول مـعلم/ـمه درستك ..؟
سعودي الأستاذ صديق عريش وياما نقر في هامتي الله يسعده وين ماكان
وكذلك الاستاذ عبد الباسط صبحه الله بالخير..محمد عمير وماقد
قابلته من زمن الاستاذ عبدالله جحاف ربي يحفظه محمد نجار الله يرحمه كثير من اساتذتي مازلت اذكرهم واكن لهم كل التقدير والاحترام .. فرصة اتذكرهم واذكرهم بعد سنين طويلة
هـل كـنت تـعانـي/ ـين مـن اخـطاء فـي مخـارج الحـروف ..؟
الحمدلله فصيح بس رقم 11 انطقه اهدعش مدري
لمه ودايما واحد يصيدني بلي بعفاج
\
شكراً للجميع شكرا خاصة للاخ قلم
وهاا اختار والا الاختيار من عندك
يالبى قلبك يابو نوف
قولي ماراح أعلم سمعت إنك فتحت محل أبو ريالين بالمواعين اللي كان تجمعها
طفوله مزينة ما شاء الله تبارك الله
بس حلاوه سنكرس يبغالها جلسه
أما موقف جاركم
أحلى وأجمل وأعذب تحية لقلبك يا أبو نوف
وبإنتظار طفولة عضو جديد
|
 |
رد مع اقتباس
