زماني بعثر أوراقـــــــــــــــــي



هلا باللي ملازمني على طول العمر والوقت


هلا بالصاحب اللي .. ما يبي في جيته مرسال


هلا باللي معي يحكي وفي همسي وانا في صمت


هلا باللي بجياته يجي ما يخلف الميصال


هلا ياحزن صدقني أنا في جيتك ما نمت


بدون احلوف صدقني كلامي ما به أي جدال


أنا يا حزن لو أشكي همومي ما لقيت إلا أنت


أنا يا حزن لو أبكي تجي في دمعتي تختال


أنا ما أقوى على فراقك تبي تبقى معي ما دمت


غصب عني ما هو بيدي تجي يالصاحب القتال


ولا جاني الفرح ليلة تحس إنك عليّ طولت


تجيني مسرع الخطوة تجيني تقطع الأميال


أنا في خاطري كسرة .. وأنا في حالتي سلمت


وفي غربة جحيم العمر أغني للفرح موال


تعِبت وتعبت اسنيني وفي حلم القدر ما لمت


أخاف من الفرح ينسى وأخاف من الحزن يغتال


أنا عشت العمر كله وانا طول العمر ما عشت


دقايق عشتها تشكي همومٍ فاقة الأقوال


أنا عمري كره عمري ومن دنيا الفرح لملمت


ثواني في رصيف العمر ما تنوي تحط رحال


زماني بعثر أوراقي وقي كل الورق ما شفت

سوى جرح الزمان اللي تركني للسهر دهال