هزيت صدر الكـلام إليـن طـاح الكـلام
.................... ما بين صـدر ٍ فضـي و أيـادي ٍ هزّتـه


شلته وقمت أندِهه لا تنام فينـي .. ونـام
....................... كِنـِّه طفـل سبَّـق بْـنومِه قبـْل حزّتـه


روح إمتلت من غيـاب أحبابهـا بالظـلام
....................... كل مـا بهـا مـن ولـه لغيابهـم دزّتـه


تمشي ما بين الزحـام و لا درت بالزحـام
..................... فيها الدروب اجمعت كـل ضـد ٍ وْ لزّتـه


حنينهـا لـو يفـارق جفنهـا بالـحـرام
...................... لـَ تْشوفها فرَّعت عـن ملحـه و كزّتـه


تشبه لاجاها الحنين إلـْ ساجعات الحمـام
..................... وِرْق ٍ حضنهن غصن تـوِّه علـى فزّتـه


شفني لي اسنين بيـن أحلامهـا و الأنـام
....................... أهيجن البعـد فـي صـوت ٍ فقـد رزّتـه


يا الوقت مـَ أقسى من الحرمان غير الكلام
.................. عن ذكريات إن مـَ عاثت بالصدر .. هزّته

يا الوقت مـَ أقسى من الحرمان غير الكلام
.................. عن ذكريات إن مـَ عاثت بالصدر .. هزّته

يا الوقت مـَ أقسى من الحرمان غير الكلام
.................. عن ذكريات إن مـَ عاثت بالصدر .. هزّته