لاتلومني لاجيت كلي من أقصاي
....................... هو فيه غيرك لاتضايقت جيته
جيتك ولا غيرك ذكرته بمسراي
....................... جيتك وكل إنسان غيرك نسيته
جيتك وأنا ماني بأنا تايه الراي
..................... جيتك وأنا مدري وش اللي بغيته
جيتك وقلبي دقته تسبق خطاي
....................... جيتك أقول مفارقك ماقويته
أن مر يوم بالعمر منت وياي
....................... أشتاق لك شوق المسافر لبيته
مثل الهوا تحتاجه الناس والماي
....................... يحتاج لك قلب هواك وهويته
أنت الوحيد اللي يرد بسمة اشفاي
.................... وأنت والوحيد اللي بروحي فديته
دامك معي ماقصرت يوم دنياي
...................... دامي خذيتك وش بقا ماخذيته
وإن كان تنشدني بعد ليه أنا جاي
....................... أبشر بردٍ يقنعك .. لاقريته
جيت أعترف بالفرق يا آخر مناي
....................... بينك وبين اللي عشانك جفيته
إني ليامن جيت لك همك رضاي
....................... وإني ليامن جيت له مالقيته
لاتلومني لاجيت كلي من أقصاي
....................... هو فيه غيرك لاتضايقت جيته
يا ضايق الصدر بالله وسع الخاطر
|
 |
رد مع اقتباس