اولا ماادري وين احط موضوعي باي منتدى لاكن كتبنه بالعام وبس
لان الانجاز اللي سويته في خلال 9سنوات يستاهل اني اخلي كل بنات العالم يقروه بعقولهم قبل قلوبهم وارفع راسي وافتخر بنجاحي بس الا الان ماني مسامحة ابوي لانه ماعبرني وماخلاني اعيش بالشي اللي ابيه انا بنت ضحية عادات الجنوب بالاخص والمملكة عامة ابوي دفعني لولد عمي اللي اكبر مني ب17 سنه وانا وقتها عمري 14سنة بدون ماياخذ رأي ولا راي امي خلاني اوافق غصب عني بتهديد ان ماوافقت مايخليني اروح المدرسة وفعلا كان له مايريد
ولد عمي كان شاب في قمة الطيش والاستهتار بمعنى اصح صايع .
المهم القصة في تغيير حياتي للافضل
بعد سنتين من الزواج
الفضل يعودلمدرسة العربي وانا بالثنوي الله يسعدها لما شافتني كثيرة السرحان وبان عليه التعب وصار لوني باهت سحبتني لغرفتها وقالت لي اقول مبروك حامل قلة بسرعة لا الله لايقولها دام الشخص هذا هو ابوه ومنها بديت اجر بالكلام
عندها والله صرفت لي الوصفة السحرية اللي ليس لي حيلة في ها الدنيا غير اني اطبقها وامري لله بعد ان قدمني ابوي له على طبق من ذهب وتخلا عني بحكم توثيق العلاقة بينه وبين اخوه تناسى بنته اللي هي الاهم
الوصفة يبنات اللي تعانون من ازواج سييئين
قالت لي عامليه بالين وقابلي الاسائه باحسان ابتسمي بوجه لاتكلفي عليه باشياء لاتطاق وقت مايدخل البيت ارفعي كتبك ولاتذاكري بحضرته ذاكري دروسك وقت مايكون برى البيت كل يوم فاجيئيه بشي
هو يعاتب وانت لاطفيه
واهم شي قيام الليل والاستغفار والدعاء والقران والله العظيم اكثر شي كان يريحني بعد مايمد يده علي ويطلع من البيت القران كان لما امسكة واقراءة اتنفس وارتاح ايضا قالت لي لاتتشكي واكرمي اهلة وحطيهم بعيونك حتى لو اساولك واهم الشي الصبر الصبر وإذا ماعاد في صبر تصبري ماقصرت كتبت لي ها الوصفة في ورقة وقالت لي داومي عليهم والله كانت عندي عزيمة قوية ونفذتهم بالحرف الواحد وكنت والله دائما ادعي بسجودي ان الله يهديه ويصلحة ويجعلة من حفظة كتاب الله احمد الله تحسن كثير وصار بعد مايجي من دوامة بالظهر ينام وبعد المغرب يروح حلقة تحفيظ القران ويحضر دروس الفقه والعقيدة والسنةهذي بداء يوم بالمصلين والله صار ملتزم وملتحي ويحبني ويتاسف على الايام اللي كان يمد يده عليه حتى امة لاحظت كفاحي وتعاوني وقامت تدعي لي ملحوظة كنت دائما اطلب من امه وابوه انهم يدعوله
يارب لك الحمد حتى ترضى
|
 |
رد مع اقتباس
المشاركة الأصلية كتبت بواسطة رذاذ القلعة
.
