جيت بكتب عن حياتي للجميع وبختصار
كل شي عني أمانه جيت متعني بقوله
ركزوا واصغوا معايه تفهموا كل اللي صار
ولاتقولوا عيد!! اسف ما احبذ ها المقوله
الإسم عبده وروحي دوم تهوى الانتصار
لي مع نظم القصايد يابشر صوله وجوله
هذا هو اسمي الحقيقي او (محيط )المستعار
للنصر اعلن غرامي ..ومن وعى هذا ميوله
الفرح طاير بقلبي بس (خلاني) وطار
والحزن بين الحنايا عشعش وثبت رجوله
واقعي واضح وضوح الشمس في عز النهار
ابتسم والدمع يفضح زيف بسماتي هطوله
الغزل يجري بدمي والوفاء عندي شعار
لا رحل خلي احتريته لين ما يعلن وصوله
مو مثل بعض الخلايق يوم واحد انتظار
وجاب له الفين واحد وابتداء يعشق ويوله
لا ذكر اسم الحبيبه تشتعل في القلب نار
وابتدي اسمع اصاله(صاحب النظره الخجوله)
وقبل اختم علموني من يقول الحب عار ؟؟؟
ومن يقول ان الشوارب رمز كافي للرجوله؟؟
عبده خلاف
|
 |
رد مع اقتباس
المشاركة الأصلية كتبت بواسطة حكمي
