الحب بالدنيا مثل شعلة الشمع
تحرق يمين اللي بيده مسكها
الحب بالدنيا سكب غالي الدمع
هذي شموع الحب هذي لهبها
الحب هانت به كل قوة السبع
وارخت عيون البيض حتى هدبها
ياللي تسلم للهوى القلب والسمع
بعض القلوب اسرار ربي كتبها
ياوافي الأطباع أو سيء الطبع
مابين ذاك وذاك خطة رسمها
اللي يبي يعشق لا يمتهن قمع
القمع يجرح نفس حفظت سببها
عادي يكون الحب بالشمع والدمع
تدمع به العين وقلبه حرقها
وعادي يكون الحب به صافي النبع
يبرد لهيب الشوق ويطفي حطبها
|
 |
رد مع اقتباس