لا تحسبين العرس توفي وكتكات
بسم الله الرحمن الرحيم
السلام عليكم ورحمة الله وبركاته ، أحبتي وجدت هذه القصيدة في أحد المنتديات وأعجبتني ، ففيها معاني جميلة برغم بساطتها ، آمل أن تجد القبول ،، ولكم خالص الود
لا تحسبين العرس توفـي وكتكـات
ولا تحسبينه توكـس وإلا باونتـي
ولا تحسبين العرس كيكة وتورتات
وصلة قطعتيهـا ووصلـة أكلتـي
ولاتحسبين العرس تصفيق وأصوات
وأنتي على صوت الغطاريف همتي
ولا تحسبين العرس كوشة ولمبـات
وأنتي كما الطاووس فيها جلستـي
ولا تحسبين العرس أحلام في الشات
يامـا بنيتيهـا ويامـا هدمـتـي
ولا تحسبين العرس روحة وجيـات
هيا أقضبي بيتك عسى مانهبلتـي
ليلة سعيدة وأنتي أحلى الجميـلات
تشخص عيون الناس إذا حضرتـي
(واللاينر) حطيـه بـلا زيــادات
لا يخـرب المكيـاج إذا دمعـتـي
(والمسكرة) تحتاج لطف ومـدارات
حتى يبـان الزيـن إذا غمضتـي
(والاسبريه ) رشيه حتى البصيـلات
يمسك شعرك زين ولو كان زدتـي
وترى(المحدد) فن يحتاج رسمـات
يبان رسمـه زيـن اذا ابتسمتـي
ترى العرس يا بنية ماهو شعـارات
تفنـى مراسيمـه وتبقيـن أنتـي
ويبقى شريك العمر راعي الطويلات
هذا هو العرس الحقيقي عرفتـي؟
أول نصيحة لـك حفـظ الصلوات
صل العشاء والفجر في كل وقتـي
وفي ليلة العرس الموفق وبالـذات
أدع الكريـم الله إذا سجـدتـي
والعاري لاترضين عند الكوفيـرات
ولبسك يملـي العيـن إذا لبستـي
واللي على زوجك تحرضك مـرات
أرجوك شوتيهـا شوتـة بلنتـي
والصبر في العشرة حتى على فتات
ياما حلى فعلتـك يومـك صبرتـي
وأذا حفظت السـر مـع المـدارات
زوجك ترى في عيونه أنت كبـرتِ
والسوق يعني هاه وقت الضرورات
وإلا تـرى زوجـك يـدور لمفتـي
زيدي الغطاية وكثري في العبايـات
والله يرضـى عنـك إذا ستـرتـي
أوصيك بالكبسة وكثـر الإدامـات
حتى لو إنك مـن سببهـا متنتـي
وخلي الرجيم اللي فشل في مـرات
سويـه مـرة واحـدة لا ولدتـي
|
 |
رد مع اقتباس
