اتصال كل عشر دقائق

[المتسلل]

أبو 17 ربيعا ما عليها شرهه

المشكله أبو 57 سنه تتصل كيف حبيبي وفينك ومتى جاي
وأخينا أبو 52 سنه حاضر يا ستي شوي وجاي
واتصلت عشرين مره وانا جالس بجنبه هااه متى مروح
التفت له وقلت وقسما بالله ما تروح الليله , عندك مشكله قوم روح
جايعه قم روح , مريضه قم روح لكن نكاده أقسم بالله ما تفر شبر
صحيح انها ما تستحي , تاخذ سجادتها وتجلس تتهجد بدل هذي
الاتصالات السامجه.
وبعدين تعال يا أخينا هي سامعه عنا انا خربانين والا كيف خايفه عليك
يالله اشوف قوم انقلع ولا عاد نشوفك
الرجال جته الحماشه وقال اللي يروح منا حتى يأذن الظهر مو رجاااال
قلنا له انت سامج !الساعة 2 وكفايه .
الرجاااال روح البيت وهب لها مغماس , وأجا ثاني يوم وجهه كأنه تلطم
قال يعجبكم ذحين الحرمه قديها بيت اهلها
يقول قال لها هااه جيت وش عندك قالت بس كذا , أبغاك تروح.!!!
وكلمه من هنا وكلمه من هناك وجلدها !!!

أصلحنا بينهم ودفع 10000 ريال لأنه أخمدها !
وفرقنا له المبلغ ورجعها لكن من بعدها يقعد معانا والجوال ولا نفس.

كلنا حريمنا يتصلون علينا بس لما نقولهم مشغول يفهموها إنو عندنا رجااال ولا تكثر الهرج الا اذا هناك حاله طارئه.
بعض الحريم الله يهديهم قصدهم ينكدون على انبساط الرجل مع اصحابه
وما عندهم سالفه .

اما ست الهانم لو راحت تبسط وبعد ساعه تقول لها هااه أمر عليك ترد عليك يا شيخ لسا الحرمه ما سوت القهوه , بعد ساعتين هااااه قالت ياشيخ توهم جو الحريم بعد الساعه الثالثه يا حبيبي توها بدت السهره
بعد الرابعه خلاص بس شوي .. وشوي بعد شوي حتى السادسه
أقولها انا عند الباب وتطلع بنت صغيره تقول عمتي الحين جايه الله يخليك
خليها تقعد معنا !!!!

يعني بالله هم يبغون ينبسطون واحنا لاتأخرنا ثلاث ساعات صرقعوا فينا
صحيح انهم أنانيات.