ما جته..
يحتريها..موعد..آمال كبارٍ ناجته
يحتريها..حافظٍ بعض الكلام
اللي يبلغ حاجته.
يتأمل بالوجيه
ويتحراها تجيه
والثواني يأس..
يرجي وترتجيه:
لا تأمل بالوجيه
موعدك ..لا ..ما تجيه
وما جته!
الناظر الموعود
أشبه بالعود
..اللي وقفت يومٍ على متنه حمامه
راحت..وناطرها تعود
طويلٍ نفس ليله
ويرجي صبر حيله
ويلهّ
كم تأمل بالوجيه
وكم تحراها تجيه
وما جته!
لو قيل لي
إن القمر..ياطى على متون النجوم
والشمس لاجا الليل
ترخي جوانحها وتنوم
وان الغيوم
شخصٍ بأسراره كتوم
أصدق..وما أصدق تجيه
اللي على خده يده
واللي الأمل بـ أسمه نده:
قم تأمل بالوجيه..
موعدك لازم تجيه.
وما جته!!!
|
 |
رد مع اقتباس