من عز نومي قمت أحاكي ظلامي
,,,,,,,,,,,,,,,,,,,,,,,,,,,,,,,,,,,,من تحت عين الوقت رمشي فتحته
دامت رموش الليل تلحف منامي
,,,,,,,,,,,,,,,,,,,,,,,,,,,,,,,,,,,,,أسهبت في نبض القصيد ومدحته
كريم ياليل الكرم عزز مقامي
,,,,,,,,,,,,,,,,,,,,,,,,,,,,,,,,,,,,,,,,مما عطاني من جميله منحته
قمت استوي في حالكات المرامي
,,,,,,,,,,,,,,,,,,,,,,,,,,,,,,,,,,,وجبت اللحاف اللي أبيه وسحبته
ياليل لجل الليل جاك احترامي
,,,,,,,,,,,,,,,,,,,,,,,,,,,,,,,,,,,,,هات العلوم اللي بسترك سترته
على جدار الصمت سطر أسامي
,,,,,,,,,,,,,,,,,,,,,,,,,,,,,,,,,,,,,يكتب بنور العين كل ماخبرته
قام وكتب مما يجيه احتمالي
.....................................ويفرض على فكري بشي تركته
صرت أستعيد الوقت حتى بدالي
,,,,,,,,,,,,,,,,,,,,,,,,,,,,,,,,,,,,,,,كل الذي مكتوب منه وذكرته
قال البشر ياهيه فيهم مقالي
,,,,,,,,,,,,,,,,,,,,,,,,,,,,,,,,,,,,,,,لكن ترى سر الليالي فضحته
قلت الستر ياليل فيه انسدالي
,,,,,,,,,,,,,,,,,,,,,,,,,,,,,,,,,,,,,واللي خبا ياليل قطر ونضحته
قال البلى كثر السكوت إستوالي
....................................وأنا من هموم البشر ماحملته
قال استمع مني وقلبك صفالي
...................................قلت الظلام اللي يبيني حضرته
ياليل فضفض ياعساك الهبالي
.....................................وأنا على كتم المعاني وعدته
قال الجدار اللي ورا والموالي
...................................أثقل من أثقل من ثقيل جبرته
فيهم بشر منهم تشوف العوالي
..............................ومنهم ورب البيت غصب سطرته
فيهم من اللي لو نجيهم توالي
................................يبقون مثل الماس مهما وهبته
وفيهم من اللي ما نبيهم ولا لي
,,,,,,,,,,,,,,,,,,,,,,,,,,,,,,,,,كود الصبر ياخوك حتى جبلته
منهم بشر وقلوبهم ماتغالي
,,,,,,,,,,,,,,,,,,,,,,,,,,,,,,,,وفيها أحد لولا الكرامة قتلته
واسمع ترى باقي وباقي كلامي
,,,,,,,,,,,,,,,,,,,,,,,,,,,,,,,لكن تحاشا ليل مني ضربته
قام وكتب وسط الجدار الشمالي
,,,,,,,,,,,,,,,,,,,,,,,,,,,,بعض الحدود لكل اسم رسمته
وقام ومحا بعض الأسامي قبالي
,,,,,,,,,,,,,,,,,,,,,,,,,,,وقلت ليه اللي كتبته شطبته
قال الحقيقة لو تبي لا تبالي
,,,,,,,,,,,,,,,,,,,,,,,,,,,,إلا بمن شفته بيدي تركته
محيت كل اللي رفضهم ظلالي
........................وأبقيت منهم نور من الله طلبته
والله لو تدري على كل حالي
.....................تعرف وش اللي من ضميري عبرته
لا تحسب الليل المهيمن صفالي
,,,,,,,,,,,,,,,,,,,,,,ولاني من اللي جيت وقت وحكمته
أنا كذا وقتي وهذا حلالي
...........................وجيتك بعد شفت الطريق وسلكته
جيتك بعد نوم الخلايق موالي
................................وأيقظت هجعة نوم منك وسرقته
خل الجدار اللي ملته اللوالي
.............................وانسى الكلام اللي محيت وحصرته
انسى ولا تذكر ولا عنه سالي
..................................دام الذهب بيديك عقد وفرطته
ياخوك هذي صفوة اللي نوالي
................................وما راح راح ولو يجيني كسرته
ماعاد لي فيهم وخلك مثالي
...............................اللي بقى فيهم من اللي نظرته
شال اللحاف وقام غطى مآلي
................................وقال انتظر صبحك وسري سررته
نوم العوافي لك وليلي يلالي
.................................وتصبح على خير من الله كسبته
ياليل شكرا لك على راس مالي
.................................ياليل فدوة لك كل اللي سلبته
النوم والتفكير ولحظة سوالي
.....................................ويفداك صبح فيه سر سكبته
عرفت من بعدك معادن غوالي
...............................وعرفت من بعدك حديد ومحصته
وتدرون ليه الليل جا واشتكالي
,,,,,,,,,,,,,,,,,,,,,,,,,,,,,لني سهرت الليل لاحدّن عبرته
رجعت رمشي يم رمش استوالي
......................................واسلمت لعيوني منام سهرته
أســـرار ليـــل
.
.
عبدالرحمن السالمي
|
 |
رد مع اقتباس
المشاركة الأصلية كتبت بواسطة نسايم ليل
بارك الله فيك وحفظك ورعاك أبوفهد
