وقَّـع فـراش .. وطـار عـصـفـوريـن ..!!
يـمرك بـالـي اشـهى مـن كلام ٍ ضيّعوه اثنين
وامّرك كـــني الـــلي مـــختــنق لاطّرو الاوطــان
انـا مـااخـترت احـبك لـو قدرت آحبك بيومين
ولافـــكّرت مــن قــبل الــحنــين احــبك مْن الآن!
تـفضل قلبي اللي في بياضه ضاعوا السارين
وأبــيك تــودّي الــقلــب الـيبـاس لـهجـرة الـهتّان
أنـا صـرخة عـيونك من نعاس يعلّق السقفين
عـلى جـدار الـسهـر ويـطيـح بال وينهدم وجدان
بـقى مـن فـوق طاولتْك مناديل وهدب ويدين
عـقب مـاغـبت ما أدري غابت الدنيا ورا الاحزان
هـنا عـطرك حـزيـن وقـلبي البلور والنسرين
تــكسّر وانــشرخ حــلم ٍ طـويـل ٍ يـشبـه الإمـكان
يـالـيتـك ترجع أكثر من غيابك وابتعادك لين:
تـكون أقـرب مـن أبـعد دمعة ٍ تهرب من الأجفان
عـلى مـيعـادنـا وقّّع فـراش وطار عصفورين
وأنا قلبي "غصن" ماله ثمر في شجْرة الحرمان
نـوايـاي الـطبـاشـير إن تـفتّت فـالوهم تخمين
ونـوايـاك الـكحْل لاصرت أشوف إني بقايا إنسان
هلابـك لـو غـيابـك مـرّ لـحظة من بعد عامين
تـراحـيبـي حـضور ٍ فـي غـيابـك وانـشد النسيان
أسولف بك عليّ ولاقدرت أسكت إلى هالحين
جـميـل إنـك تـسولـف وإنـت تصغي للحديث آذان
وانـا مـاكـنت أقول إنك سكنت عيوني الثنتين
مــادام إنــك ورا حــدب الـضلـوع تـفتّح الـبيـبان
حـبيـبي قـسمّو قـلبـي رفاقي وانقسم قسمين
وجــيت آدوّر الــلي يــجمـعه فـي سـكة الأحـزان
بندر المحيا .
|
 |
رد مع اقتباس
.
المشاركة الأصلية كتبت بواسطة دلال
