كل ما قلت: الصبر مرسى الأماني
ضمني بحر التعب من كل صوب
وكل ما قلت: السما زرقا عشاني
طاحت الزرقة على راسي ذنوب
وكل ماقلت : الهوى أمني وأماني
سلمتني طيبــــــتي تيه الـــــــدروب
وكل ما قلت: الزمن ماهو زماني
اكتشفت اني على الوقت مغصوب
ضايعٍ ما بين مـــــيلي واتـــــــزاني
تايهٍ بين المـــــــزايا والعيـــــــــوب
ذابل بـ(وجه) السحايب والغواني
ذايب في حب قلـــــــبٍ ما يذوب
غاسلٍ وجهي على صبح الأماني
ناشرٍ همي على حبـــــــل الغروب
اختفي خلف الغموض من المعاني
واشتكي لـ(الدمع)ضحكات القلوب
واتصبر بـ (الشعر) ضيف المحـــاني
واتسلى بـ (الهروب) من الهـروب
وأتشكل في السمــــــــــا طيرٍ أناني
مطمعه نيل أجنحه طلق الهبوب
لين الاقيني أو ألقى انســــــان ثاني
أو عسى الجنحان تكفير الذنـــوب
|
 |
رد مع اقتباس