•·خلطة دوف لنعـومه و بيـاض و لا في الأحلام .•
كلنا بنحلم بجسم حريري و لون موحد فاتح , و الوصفة دي من إبتكاراتي الخاصة مش منقولة من حد
و أنا بداوم عليها من فترة و بعملها في الشاور اليومي بتاعي و حقولكم على طريقة استعمالي ليها
نبدأ بالمكونات :
صابونة دوف و أنا بستعمل دي بالزيوت الاساسية و اوقات بنوّع
صابونة سبا ميلك الحجم الصغير
نص قالب صابونة زيت الحية
ماء ورد يكفي مقدارك
أربع معالق كبار من شاور كريم بخلاصة اللؤلؤ من نيفيا
أربع معالق كبار من ماسك بي وايت
ربع فنجان صغير زيت زيتون
ربع فنجان صغير زيت خروع
ربع فنجان صغير زيت لوز مر
ربع فنجان صغير زيت جنين القمح
نص فنجان صغير جلسرين
نص فنجان صغير زيت ورد
فنجان صغير عصير ليمون
الطريقة :
نبشر الصابون بواسطة مبشرة و أنا عاملة واحدة مخصوص للصابون , نضع الصابون المبشور في برطمان كبير يكفي
مقاديرك و نصب عليه ماء الورد بحيث يغطيه و نتركه شوية تلاحظي ان الصابون اتشرب ماء الورد و نفش , نزيد ماء ورد
كمان و نتركه ليلة كاملة , ثاني يوم نلاحظ ان الصابون ذاب تماماً و بقى قوامه زي الكريمة الثقيلة نقلبه كويس
ونضيفله الشاور كريم و ماسك بي وايت و مقدار الزيوت نقلب كويس جداً بحيث نضمن تجانس الخليط
وآخر حاجة نضيف عصير الليمون و نقلب كويس , المقدار ده بيقعد معايا شهرين مع الاستخدام اليومي
طريقة الحمام :
اول حاجة نقفل الحمام كويس و نفتح المية السخنة و نصب على الجسم ماء ساخن بالقدر اللي نتحمله
وبعدين نفرك الجسم بملح السبا و نفرك بضمير لكن براحة و كل الجسم حتى الوش لكن بمنتهى الرقة و اهم حاجة
يكون الجسم مترطب و المية سخنة عشان ما نعورش روحنا , نشطف جسمنا بالمية و ناخد شوية من خلطة دوف بتاعتنا و ندهن جسمنا بيها
والوش كمان حتلاقيها بقت زي الكريم على جسمك نسيبها حوالي ربع ساعة او عشر دقايق و نبدأ بالحجر الخفاف
نبله بشوية مية سخنة و نفرك جسمنا كله بشكل دائري براحة و نبقى نبلل الحجر بالمية السخنة و نكمل فرك لعند
ما تحسي ان جسمك احمر و طرى نشطف بمية دافية و نزيل كل الخلطة من على جسمنا نلاحظ النعومة و الجمال ,
طبعاً مش ينفع نخرج كدة لازم نشطف بمية ساقعة مزودين عليها مية ورد عشان نقفل المسام و نشد البشرة خاصة
منطقة الصدر و الرقبة و الوش كمان .. نطلع بقى و ننشف جسمنا نص نص و ندهن اللوشن بتاعنا او زيت جونسون
مبشور عليه مسك او زيت لوز مضاف ليه زيت ورد المهم زي ما تحبي او اللي انتي متعودة عليه و نرش بعدها البودرة
المعطرة عشان دوام النعومة و الريحة الحلوة و بتمتص الزيوت الزايدة .. و اطلعي بقا و انتي آخر جمال و دلع ,
صدقيني من اول مرة حتلاقي فرق واضح و لو استمريتي عليها مش تعرفي نفسك و قتها ادعيلي
ربنا يتمم لي زواجي على خير و ييسر لي اموري
بحبكم قوي يا أجمل أخوات
منقووووووول واللي مجربتها تقول
|
 |
رد مع اقتباس
~
المشاركة الأصلية كتبت بواسطة جــــــــــوري
