نعمــة الكتمــــان
نعمة الكتمان
أضحــك وأداري عبـــاد الله وأجاملها
والله علـــى نعمــة الكتمــــان قايـدني
دورت بالخلـــق ضــايعها وعاقلهــــا
ولا لقيت اللي لامن ضعت يـــرشدني
حتـــى اللي بديــــته من النـاس بأكملها
راح وغدربـــي ولكنـــــه معـــــاهدني
مافيه أحــد يحفــظ العشـــــرة ويبجلهـا
هذي الحقيــــقه وشكـــي مايراودنــــي
إن مت كلن نســــى ذكــراي وأهملهـــا
وإن رحـــت محدن من العــــالم بفاقدني
عزاه ياضيــــقةن بالصـــدر شايــلهـــا
وين اللي يبكي علي وإن طحت يسندني
لاجيــت أقرب لخلانـــي وأواصلهـــا
لقيت حتـــى طريق القـــرب يبعدنـي
ياللي جروحك عرفت إشلون أعاملها
أنــــا تعـودت لاداعــي تعودنـــــــي
يا أول سنيـنـــي وآخــرها وأجملهـــا
الله معــــاك ومعي وأبيــــك توعدنــي
لاجـــات ذكــــراي في بـــالك تأملهـا
شف وش كثر كنت بالتعذيب تجهدني
ليتـــك مثـــل ماأتخيــــلها تخيــــــلها
وتعرف الأحزان ياللي كنت مسعدني
اليــــوم سلم علـــــى الصوره وقابلها
ماعـــاد فينـــي شعورن لك يجودنـي
والله مدري أنـــا من ويـــن أحصلهــا
من ضيـــم الأيــــام أو حظن معاندني
جتــك الرســاله وأنا ماكنت أبــرسلها
لكــــن هذي علومي وإنت تنشدنــــي
راقت لي
|
 |
رد مع اقتباس
المشاركة الأصلية كتبت بواسطة ضياء القمر
