إلــى أمــي مــع التــحــيــة ..

[قلبها وطن]

( ماكل مـطـرودً مع الآم مـلحـوق )



هزتني اللهفه وحركني الشوق = وأسرعت تدفعني عواصف لقاها
من فرحتي بأطير فوق السما فوق = وأفرد جناحي فوق عالي سماها
حبيبتي بالعطف لو يزعل الذوق = فكري يناجي في جهاته رضاها
بين الغلا والوجد والدمع والشوق = والبسمة اللي يحتويني غلاها
ماهو غلا مابين عاشق ومعشوق = أبعد طموحي ماوصل منتهاها
ماكل مطـرودً مع الآم ملحوق = هي الوحيدة مانلــّحق جــزاها
لاجيت أغنيها على كل طاروق = كل القصايد ماتجي مستواها
الشعر فيها من مظامين وحقوق = مايـنـتــّـقارن مع أجابة دعاها
فيها المعاني جاوزت كل منطوق = مهما كتبت إقصِْـر ولا أعـبر فضاها
ينساق شعري غصب عني لها سوق = بالهقوة اللي ماتـخــّيب رجاها
لاشفتها كني من الوجد مطفوق = وأصدق شعوري يحتفي في لقاها
( أمي ) غلاها فوق كل الملأ فوق = فوق النجوم وتحت صدري غلاها

منصور الرويلي

[قلبها وطن]

طـــريـــق الــجـــنـــة ؟



أغلا الأهل وأنتي غرامً أحبـه = أعف وأطهر حـْب حـبي لك أنتي
الله عزيز الملك حبـك يحبـه = وشلون مافرح وأهتني لافرحتي
حـبـيـبتي ياأم الغلا والمحبه = يفز قلبي بالغلا لاطـريتي
أنتي لنا نهر الحنان ومصبه = وأرضاكِ هو نور الامل لارضيتي
من يزعْــِلك يزعل من القلب ربه = وانتي طريق الجنه ليا دعـيتي
الشعر كنه ينطفـي يـوم أشبـه = لاجيت أبكتب هالشعور وسميتي


منصور الرويلي

[قلبها وطن]

المساحة للجميع ..

[قلبها وطن]

أغــــــلى الــبــشـــر ؟



أنا والله مـدري والذي عـن حالتـي داري =
وش أكتب عنكِ ياكبر من قصيدي وأجمل شعوري
وش أكتب عنك وأنتي مبتـداي وكـل مشـواري =
وش اكتب عن بدايات الغلا والحـب وحضـوري
وش أكتب عنكِ وحروفي حياها يخذل أصراري =
أنا ودي أعــوضك بس أنا منظام من جوري
أنا (يـُمــه) تغرّبلت وبلشـت بحكمـة اقداري =
اذا عـمـّرت جدران الحياه انهد بسطـوري
عزاي اني معك مـن ويـن ماتأخذنـي أسفـاري =
أنا لولا رضـاك ..الله وأعلـم ضايـعٍ دوري
أنا ياأغلى البشر لو بس زهمتـك تنطفـي نـاري =
ويشرح صدري الله وأرتمي عن نـاري بنـوري
وأنا لـو أنطعـن مليـون مـره فدوتـك ثـاري =
مدامي بس أشوفك مقدر أطلع عن بعض طـوري
أنا أول حروفـي حالـفً بالواحـد البـاري =
بأني من تحت ماطاك .. أنا والشعـر وشعـوري


منصور الرويلي

[قلبها وطن]

قصيدتي زاد بعيوني جمالها


واخذت أنقي بالمعاني جزالها

واكتب معانيها من الشوق والغلا


لأمي وأنا اصغر شاعر ٍمن عيالها

كتبتها في غربتي يوم رحلتي


لما طرالي بالسفر ماطرالها

امي وانا بوصف لها زود حبها


وان ماحكيت لها قصيدي حكالها

امي لها بالقلب والجوف منزله


مكانة ماكل محبوب نالها

اقرب من ظلالي وانا وسط غربتي

وانا تراي اقرب لها من ظلالها

ماشافت اعيوني من الناس غيرها

ولا خلق رب الخلايق مثالها

اغلا بشر في جملة الناس كلهم


واكرم من ايدين المزونوهمالها

اتبع رضاها ورتجي زود قربها


واللي طلبته من حياتي وصالها

الصدق مرساها والاشواق بحرها


والعطف واحساس الغلا راس مالها

اهيم فيها وابتسم يوم قلبها


يسأل وانا قلبي يجاوب سؤالها

وان اطلبتني شي فزيت مندفع


اموت أنا واحمل تعبها بدالها

واصبر على الدنيا والاحزان والتعب


واحمل على متني فطاحل جبالها

واسهر اعذب راحة القلب بالشقا


واعيش اعاني بس يرتاح بالها

تربية ابوي اللي على الطيب بذكرة


اللي وهبني الحياه ومجالها

نور لي ادروبي وانا طفل مبتدي


حتى تركني واحد من رجالها

الوالدين اولى بالاحسان لجلهم


وأولى بتكريم النفوس وعدلها

اقولها وانا على الله متكل


والله عليم بقدرتي واحتمالها


ياشمس بقلبي بعيد زوالها

يافرحة تملي لي الكون باكمله


ياشجرة تكبر ويكبر ظلالها

تضحك لي الدنيا ليا شفت زولها ii


مثل السما تزها بطلة هلالها

والبعد عنها ياهل العرف ماقدره


لاشك ناري زايدة بشتعالها

ماعيش ببلاد ولاهيب بأرضاها


ولابي عيوني كان ماهي قبالها

أرض ٍ تدوس امي بالاقدام رملها


اموت فيها واندفن في رمالها

حــامــد زيــــد

[خزامى]

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني



وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني



تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

رحمك الله امي

[قلبها وطن]

سلمتي خزام أبدعتي بإختيارك
مشكوره جدا لي كل الشرف بحضورك

فالك قلبي يا الغاليه

[خزامى]

قلبها وطن
فديتك ياعسل
فالك الخير ياغلاتي
^_^

[قلبها وطن]

أمــــــــاه ..

إن للأحزان سيفاً

عــــلـــــميــــني ..

كيف سيفُ الحزنِ يُكسرْ
**
فأنا أسكنت قلبي راحتيكِ..

عــــلميــــــني ..

كيفَ حزنُ القلبِ يبترْ
**
إنني مازلت طـــفلاً

بين عينيك وأحبو؛

فابدئي الدرس الذي أرجوه أكثرْ
**
علميني أن أغني وأغني,

علميني كيف يغدو الصبحُ أخضرْ
**
كلُّ حرفٍ منكِ عطرٌ

منهُ قلبي قدْ تعطرْ
**
وازرعي لي مزهريهْ

تنْبتُ الوصل الجميلْ..

لزمانٍ فيهِ (مسكٌ)

فـــيه ( عـنـبـرْ)
**
قد أتاك الشيب لكنْ..

كلُّ شيبٍ فيه نهرٌ من عطاءْ

فيه زهرٌ من نقاءْ

فيه تمرٌ .. فيه سكرْ
**
علميني .. كيف أنجو

حـــين أغـرقْ

علمي الطفلَ الكبيرَ

كيفَ يخطو من جديدٍ

إن أتاه الحزن يوماً..

إن تـــعــثـــرْ
**
كيف يدنو نحو ضوءٍ

فيه خيرٌ قد تيسرْ
**
علــــــــميني ..

ليـــس نبـــضٌ

فوق نبضِ الأم يعلو

فابدئي الدرسَ الذي أرجوه أكثر.

شعر/ عبدالناصر النادي