خايف عليها من الثرى غطاهـا

[البليبل]

	خايف عليها من الثرى غطاهـا و إلا الحصى حافيه أخاف أذاها أكرم عليها بالكفـن يـا مطـوع بالبيت ظل فراشهـا وغطاهـا أكرم عليه بالكفـن هـذي أمي و اشهد عليها في ما عطت يمناها هذي الضحى والليل يتحرونهـا هذي السماء و نجومـه تنعاهـا هذي السوالـف مثلنـا تبكيهـا والأرض تنشد عن اثر لخطاهـا هذي الكبيرة كبر هـذي الدنيـا هذي العظيمة جل مـن سواهـا ابكي عليها مـو نهـار و ليلـه و لا سنه تمشي وعـد قضاهـا ابكي عليها كثـر مـا شالتنـي و كثر الحنين اللي اختلط بغناهـا و كثر الأسامي و كثر من سموها و كثر النجوم و كثر من يرعاهـا ابكي عليها من القهر يـا دنيـا مـن لـي أنامن لي عقـب فرقاهـا من فتحت عينـي و لا خلتنـي و شوفوا ولدها بالقبـر خلاهـا هل التراب بوجهـا مـا قصـر شفتوا ولدها كيف هـو جازاهـا لو إنها مكانـي مـا سوتهـا لكـن اعـز عيالهـا سـواهـا يا دود يا دود شفها ذابلة جنبها أنا ولدهـا و حاضـر وأفداهـا قطعني هاك اللي تبي من جسمـي بس الكريمة لا تجـي بحذاهـا و وصيك أمانه قل لها تعذرنـي و تكفى تروح تحب لي ماطاهـا أبيها تغفر لي مثـل مـا كانـت كل خمله مني بطيبهـا ترفاهـا يالله عساهـا بالنعيـم الخـالـد و عساها في جنة عدن سكناهـا يا فضو هذا الكون يا هو خالـي يا ضيق هذي الدنيا يا مقساهـا يا مر طعـم فراقهـا يـا مـره ماني مصـدق ارجـع ومالقاهـا وشلون أجي غرفتها ما هي فيها وش عذري لسبحتها ومصلاهـا وش أقول أنا لدولابهـا وشنطتها وإذاسألني مشطها وحنها وعباتهـا ومي زمزم ومصحفها والمبخرة ورشـوشـهــا ودواهــــا الكـل فـي غرفتهـا متفقدهـا حتى الجدار متفطـر ويرجاهـا الكـل يبكيهـا مهـو ناسيـهـا يالله صبرني و شلـون أنساها ياليتهـا مـاراحـت وخلتـنـي أو وسعت لـي بالقبـر وياهـا اللهم اجعل أمي سيدة من سيدات أهل الجنة واجعل الحوض مورداً لها والرسول صلوات ربي وسلامه عليه شافعاً لها واجعل ظلك ظلالاً لها والوِلدان المخلدون خدماً لها والسندس والإستبرق لباساً لها والقصور سكناً لها اللهم إني أسالك الفردوس الأعلى نزلاً لها بجوار الأنبياء والصديقين والشهداء . وأسألك يا أكرم الأكرمين أن تجمعني بها .. اللهم أمين