استراحه .. شعريه
يوم جيت البيت ماشفت رواد يروده ........................مالقيت الا العصافير وأشجار النباتي
قلت يالجيران هالبيت من ذير عنوده ....................... علموني بالخبر والجواري جارياتي
قالوا الجيران سافر ولا نعرف وجوده ...................... هقوة أنه يطلب العلم بين الجامعاتي
وأهله راحوا على موترن يطوي عموده ..................... وأنتووا مصيافهم بالديار البارداتي
قلت وين القاه قالوا من ورى الغربي حدوده ............... في ديارن ماتعرف البراقع والعباتي
أتصل بأنكلترا والمطار أسأل جنوده...................... ياعسى تلقى الخير مع مدير الطايراتي
قلت يرجع بالسلامه ويوفي لي وعوده .......................... وأتمنى له يجيب الشهايد عالياتي
ياليتني مهري وابيع النفانيف .......................... وادخل على الخفرات مايمنعني
وأليا دخلت أشوف حلو التواصيف ...................... ارخص لهن فالبيع ويعاملني
لأمشي واشيل الخام لوحالي اضعيف .................. ومن اتكلم (خام خام) اسمعني
والله لأجيب لهن ثيابن على الكيف ..................... وابيعهن برخيص لو خسرني
يلومني خبلٍ دفوفه مهاديف ................................. مالوعنه مثل مالوعني
بطنه كبير ولا جراله صواديف .......................ماهيضه صوت الغناء والمغني
ياغزال نطحني مع طريق الحويه ....................... ناثر فوق جسمه من جميع الروايح
خشف ريم ربى باحضان نجد العذيه .................بين خضر الروابع والغصون السبايح
طلع القذله الشقراء وسلم عليه ......................... قال لي ياصباح الخير وين انت رايح
قلت انا التايه اللي ماعرف وش نويه ..................... مثل طلاب رزقه من يدين شحايح
كان تقدر تساعدني وتعطف عليه ................. اصطحبني معك واعرض علي النصايح
ياموتري شد عزمك دق الساعه .......................... خلي كذب بالوعد والزام قافيني
عزي لمن صاحبه عقب الغلا باعه .......................زاد الجفا واشترى ناس جديدني
الله يلوم الغضي... وش غير اطباعه .................... وأنا احسبنه على الدنيا يصافيني
فيما مضالي يقول السمع والطاعه ........................... واليوم صد وتكبر مايحاكيني
يارجل منتي ورى المقفين تباعه ......................... عيب عللى اللي تبع ناس مقفيني
من لاعرف وين مدخاله ومطلاعه .................. يصبر على ماجرى بالعسر والليني
يالمعلم دخت من كثر الكتابه.................... حضرتي للدرس من كبر المصايب
دفتر التعليم قلبي ماشقابه ....................... شقوتي في صاحبي ضافي الذوايب
يالمعلم لا تطالبني طلابه ......................... شل قراطيسك وجوز من الطلايب
لاتلوم اللي تعذب في شبابه ............................. عذبه طفل مع البدوان غايب
صاحبي يم النفود اقفت ركابه .......................... حالف لانصاه لودونه نشايب
لو تشوفه يالمعلم في ثيابه ........................ كان تصبح من جميع الدرس تايب
كانت للشاعر / مفرح الضمني رحمه الله
|
 |
رد مع اقتباس
المشاركة الأصلية كتبت بواسطة قلب الوفا
بارك الله فيك وحفظك ورعاك أبوفهد
