أصعب مساحات الألم جرح يجي وسط الشعور


و أتعب مواقف دنيتي [تبكي و أجفف مدمعك]




ما كان لي باللي حصل لظروفنا خبرة و دور


ما قصدي أجرح و أبتعد و أهجر بقسوه واوجعك





موقف و كان بآخره صفحة تغطيها السطور


قصة و فجأة انتهت.. قبل ألتقي بك و أسمعك





عجزت أوضح صورة في داخلي تهوى الظهور


عجزت أحدد موقفي منك.. و أحدد موقفك





حاولت أرجع صورة طاحت من أيام و شهور


و إحساس جارف داخلي ينهاني أرجع و أرفعك





كل المشاعر داخلي صارت بلا حبك قبور


و أجمل عواطف دنيتي كانت بعيني مرجعك





لو كان حبك وردة.. كان احترق عطر الزهور


و إلا تحول صورة في كل لحظه..تصفعك





]ما كنت أظن إحساسنا ممكن مع الضيقة يبور]


ولا حسبتك ترتجي شوقي و أعاند و أمنعك





ليل يطول و ما يجي له بعد طول الليل نور


حُبْ يموت ويشتكي و يرد فجأه... يتبعك





ما عاد بيدي أنفعل و أزعل..أعاندهم و أثور


ما عاد فيني أشتكي و أسمع كلامك وأقنعك





طيفك و خنته و أعترف [كلي معك قسوة و جور]


دامي نثرتك فالهواء لا يمكن أرجع و أجمعك






حاولت أنسى و أنسحب هذا هو العالم يدور



[انساني الله يحفظك و يكون بأحزانك معك]