امانة لاتعلقني معاك وتنسحب بسكات
امانة كل مايطري عليك البعد علمني
امانة لاتعيشني على رجوى زمان فات
اذا هان اللي بيني وبينك حن وارحمني
امانة لاتوقفني على باب الأمل لحظات
ترى كل شي يهون إلا تروح ولا تكلمني
وتراها كلمة وحد ه بلا عذر وبلا أثبات
وإذا خفت الزعل منهاتراها ماتزعلني
انا أزعل يوم تنساني وأنا اتبع حلمي اللي مات
وانا أذكر مادهى قلبي مابغى من يذكرني
بداية قصتي كلمة ونهايتها ابيات
عذاب كل ماطالت سنينه شفت الموت طاولني
انا اللي ماوفى حظي سوا بالهم واللوعات
امني قلبي الطيب وأشوف الحظ خايني
انا اللي ماتحمل قلبي فراق اللي يبي هيهات
والله لو يتحمل قلبي لا ابتعد من رحل عني
روى خدي من دموعي شبع قلبي نكبات
اظن الظن باحبابي وما اسرع ما اختلف ظني
وترى لاشفتني اضحك واجامل واكثر الضحكات
ترى كل السنين اللي مضت لي ماضحك سني
واذا اني فرحت بوقت بكيت بباقي الاوقات
وتبغاني بعد اسكت وترحل وما تعلمني
ترى ماني بناقصهم دموع وحزن واهات
امانة لاتعلقني بحبك لاتعلقني