غلا واسمع نزيف الجرح كلام الصمت ماطيقه
انا محتاج اسولف لك عن اول واخر أوضاعي
وأبد لا يجرحك صوتي حياة الطير تحليقه
عليـك الله يصيـر الكـون والمسبـاق والداعـي
أنا اصدق طير بالدنيا عشق حتى مسابيقـه
ولكنـي بديـت اذكـر معـاك آيـام مرباعـي
تعال آفتح كفوفك حلم أموت بـيوم تحقيقه
تعال أرسم بحور الشعر وأكسر لو تبـي شراعـي
تعتب افتش الدفتر وأحس بحزن تطبيقه
دخيلك غمض عيونـي وخـل الشـوق لأصباعـي
أبي غيـمٍ سرق ربعـي وذللهم بتشويـقـه
أكون أول بشـر مجنون تـزوره بالعطش قاعي
وحتى لو وهم تكفى ابي اتوهم بـتصديقه
ابي ذاتي ابـي مولـد يـوازي صرخـة الناعـي
أحس بداخلي عالم حرام اقتل مخاليقه
حرام أسكـت وانـا صوتـي نذرتـه وجـه لأتباعـي
ياأول قلب يبكيني وتبكيني مواثيقـه
انـا اطباعـي ماهـي زينـه ولكـن هـذه أطباعـي
تغريبة قوافل موت وأقول العمر تشريقه
أعيش بشبه غيبوبـه واعـرف ان الزمـن واعـي
أكملك وجع خوف وجع قهر وجع ضيقـه
علـى كيفـك ترتبنـي حلالـك كـل أوجاعـي
رد مع اقتباس