يالله طلبتك وانت المانع المعطي
يارب فرج عن المحزون ضيقآته
اللي بحال العنا والهم من مبطي
ماهو بقادر يحصل بعض مافاته

يمشي مع الناس بالكتمان متغطي

ياعل تقضى بطول الصبر حاجاته
يارب مامن عبادك حي ماايخطي
وانت تجاوز المنهو تاب زلاته

كمن غني بسيف الموت متوطي
مابيض المال عند الله صفحاته
وكمن فقير عليه أهل الردى تسطي
إليا دعى الله تفتح له سماواته

ياسامك السبع فوق السبع بالضبط
في ست الأيام واثبتهن بااياته
ابسط لداعيك في قلب الدجى بسطي
اللي سهر بين شهقااته ووناته

يومن هجع كل حي قام يشتط
يبكي وهو يقهر العبره باسكاته
لو دون حااجاات روحي النوى شطي
ما خيب الله لعبد حسن هقواته