غافل الهم قلبـي والزمـان استـدار
وشوقي اللي هويته اصبح اليوم ضدي


طال ليلـي الا وينـه ابيـه النهـار
وضاعت خطاي حتى الدرب عيا يودي


يالغضي كيف اشوف الحلم والنوم طار
والحقيقه تعل الحيل غصـب وتهـدي


كل حزن تلملم مـن يميـن ويسـار
واجتمع في خفوق باح سده وسـدي


ناظر الحال والعود الخضر كيف صار
الشقى محتوينـي والتعـب مستبـدي


خالف الحظ عمري واستثـار الغبـار
والبيارق تهـاوت والهزيمـه بيـدي


يالغضي طحت كلي في دهاليـز نـار
واستحالت دموعي جمرة فوق خـدي


آه آه وشقوة اللي عايش في انتظـار
من كثير التعاسه مادرى ويش يبـدي