لاتقول الحطب طاح
زعلان مني لاتقـــــــــول الحطب طــــاح
عـــاتب على كيـــــفك وريــــــــــح ضميرك
أخطيت في حقــــك وعييت لا أرتــــــــاح
ياليــــتني مخطي مع إنســـان غيرك
ماكنت أجيــــــــك ونظـــــرة عيــــونك سلاح
ولاكنت أحس إني من الذنب أسيرك
تضحـــك وأنا قلبي تحت موس جــــــراح
إن ماذبحني عنــــــك حدد مصيــرك
كنـت أحسب أيـــــام الغـــلا كلها أفــــــــراح
إلين سلمه النـــــــدك من جفيـــرك
خلاني أحسب للخسايـــــر والأربـــــاح
وأكتب قصيـــــــدٍ فيـــــك عله يثيـــــــــرك
بيحت دمعي لين ســـد الغلا بــاح
حتى قليلك صــــــار عنــدي كثيرك
مضمي وصالك شـــوق والشوق ذبــــاح
مضمي وأنا دلوي على جال بيرك
عــامين برقك في سما الوصــل مالاح
عــامين ماداعبت مسمــــع عشيــــرك
ماتدري إن الوصل تجنيد الأرواح
وليا إلتقن وافق مسيري مسيرك
ولكنك اللي لبسك شعري وشاح
اللي تســــــاقط دونه حظوظ غيـــرك
وليـــــا رجعت بعذر قلنـــــا الحطب طاح
عـــــذرك سمين وكثــر الله خيــــــرك
محمدبن مريبد
|
 |
رد مع اقتباس
..
المشاركة الأصلية كتبت بواسطة قلب الوفا
