هالنظره اللي تصيب القلب.. وش تعني ؟
.................ارجوك يازين لو تسمح تفسرها
هي حب..؟؟ والا كذا قصدك تبي طَعْني؟
..............وان كانت الاوله فأرجوك..كررها
خل الهدب بالغلا لاضعت يجمعني
..............وطعون قلبي من اللمحه.. يبعثرها
والجفن خله على كيفه يلوّعني
............هاااك الحنايا من اولها ليااخرها
القصد والله..أبي بالقلب تزرعني
...........تستنزف الحب والضحكات تامرها
خذني معك وانتبه.. لا لا ترجّعني
.............وانا ترى دنيتك يمّي باسخّرها
ابيك ملكي ولو ودّك تضيعني
..........فدوتك الايام ماضيها وحاضرها
وابيك لامن حكيت بشوق تسمعني
...........كنّك قصيده طربها نظم شاعرها
وان كان قصدك عبث يازين..فأمنعني
..........نظرتك مااقوى على جاير خناجرها
ماعاد قلبي على السلوى يطاوعني
............والعين جفّت من الماضي محاجرها
عشت القهر والفرح مبطي مودّعني
...........والروح ضيمٍ على اللوعه معاشرها
ارجوك يازين.. في نظرتك وش تعني؟؟!!
............وارجوك يازين لو تسمح تفسرها
هي حب؟؟ والا كذا قصدك تبي طعني؟!!
.............وان كانت الثانيه .. لا .. لا .. تكررها
من اختياااااري
للشاعر :: عبدالعزيز الدهمشي
|
 |
رد مع اقتباس
