كلمة من عندي ... بيت شعر من عندك

[دكتور حب]

الكلمة
العطاء

[براق]

:::

النفس تهوى من يمد العطايا
واللي بخيل الناس تكره طريقه

وكل منهم ينسجله حكايا
فيها الخيال يفوق وصف الحقيقه

الوصف

[النواوي]

يبراق بي خيل الولع يركض وله شوقن جموح
ورى فتاة طلعها ثمر الغرام اليانعي
ماقد ورد في ذكرها ولاوصفها في الناس روح
لازيدي يدري عنها ولا حنبلي ولاشافعي



الغزل

[خالد معافا]

شفت ضبي في البراري يلوح

خانني وصفه بصوتي المبحوح

ضل عالق في خيالي ما يروح

صورة سببت كل الجروح

الفل

[دكتور حب]

الحقيقة موضوع جميل وجمال ظاهر
اتمنى رؤيتكم في المحاولات الشعريه كما انتم هنا..
واعتذر لصاحب الموضوع..

[النواوي]

الفل يااهل الفل ريحه اسرني
اذا انتم تبيعونه انا اكيد شاري



البحر

[خالد معافا]

لبحر النواوي جيت انا بروحي

اخاف اغرق لكن اعشق امواجك

ولا معي قارب ومجداف لنزوحي

معي قلب يرتجي في البحر إفراجك


السماح

[أطياف السراب]

مسموح ياللي كل غلاتك دموعي
انته عليك الجرح وحقك نزيفي
اسقي به ‏
المود ‏
واروي ‏
مرادك
لنك ضيوف الجرح ونزفي المضيف(‏
ي)‏






،،


الصفاء

[أطياف السراب]

دكتور حب
كلا الموضوعين فيها اثراء للشعر
وتنويع ونتمنى المزيد من المواضيع
اللي تثري الافكار
وطبعا ماراح يكون لها مذاق من غير
تفاعل الاعضاء في كل المواضيع
شكرا لاهتمامك

[النواوي]

أصفا من الالماس روحك وذاتك
وانقاء من الماء البراد الزلالي
ريقن تحرسه ياغناتي شفاتك
خلف الثنايا اللي حلاها يلالي
ياليتني يابنت ربطت عباتك
واظم جيدك صاحبي با الحلالي




الريق

[براق]

::

ياصاحبي ريقيك يغير صوابي
مدري بها سكره والا جنوني

وفي كلامك يا حياتي عذابي
ياليت وانك ماتفارق عيوني

النرجس

[النواوي]

فيها من النرجس وفيها من الفل
مايلهم الشاعر بحور القصيده
من شافها ماغض طرفه ويغفل
تقول كنه شاف فيها حديقه



غضت الطرف

[براق]

ترخي على وجناتها طرف أكحل
ومن نظر ضاعت عليه الحقيقه

وإن عادت النظره فلا عاد تسأل
حد المهند خافقي ما يطيقه

السؤال

[النواوي]

السؤال اللي ذبح صدر الأجابه
ليه صار الود في العالم سؤال
وليه صار العشق آنه وانتحابه
والوفاء ضمن العجايب والمحال



المحال

[براق]

:::

المحال أني ادقق في الإجابة
وانتظر خطك على وجه الرمال

صرت أقراها ولو ماهي كتابه
وصرت أشرحها على أحسن مثال

بعضها تقبل وفي الأخري غرابه
بس ما تعطي لقاريها مجال

الجنون

[دكتور حب]

الإجابه ماعدت اعرفها الإجابه
كل مافي خاطري بضعه أمل..
ليت الذي وداه عني قد غدابه
مادريت ان بعده يسبب ها لخلل..
وباسئلة وانا ادري بجوابه
بس باسئل ..علة يخف الثقل
هو دخل مثلي كما احضان غابه؟؟!
هو يحس وشلوون متعب هالحمل..؟!

البعد

[النواوي]

الجنون ارفع خيوط العقل زينه
لابغيت الزين قالولك جنون
عاد هي ذم وإلا مادحينه
المهم يصير يابراق ويكون
عذري لدكتور وايضا عاذرينه
أنتشى بقافك إلي حد الفتون





الفتون

[براق]

:::

كيف اعبر عن مسافات البعاد
وكيف اشرح ليل يمضي بالظنون

من عرف حالي يقل لي بك سهاد
والبلا من نظرة الطرف الفتون

سهم ما يخطئ أجا قلبي صداد
وانجرحت وبت في أسر العيون

وين دكتور حب يعطيني ضماد
قبل ما يطبق على عقلي جنون

ضماد

[دكتور حب]

:::

كيف اعبر عن مسافات البعاد
وكيف اشرح ليل يمضي بالظنون

من عرف حالي يقل لي بك سهاد
والبلا من نظرة الطرف الفتون

سهم ما يخطئ أجا قلبي صداد
وانجرحت وبت في أسر العيون

وين دكتور حب يعطيني ضماد
قبل ما يطبق على عقلي جنون

ضماد

والله ان ترك الحب يبغاله جهاد
والله يعين اللي تورط في الديون
حيث ان الرهن تسليم القياد
ومن رهن قلبه تمرمط في السجون
لااتفلسف يابراق تبغى الحياد
سوقها للرب واهجر ذا الفتون..

[النواوي]

الضماد اللي تقوله يبراق
مايداوي جرح طعناة العيون
ساكنن بالقلب لين يحل راق
ويندفن ياخوك لااللي يدفنون
بس يهداء كل ماطاعنك راق
وجادلك بوصال ناسن يعشقون
تصير كنك مغمين بالحب فاق
قام يتحسس سواعد يحضنون



الحس