بوقت الشكل حنا عيال الشكاله
الحرف ترسي والمعاني عتادي
حياك ياللي سعد من كنت فاله
ياراعي الشور الصواب السدادي
الشعر ماهو كل من جاك قاله
ولا كل من يعشق حبيبه هنادي
ولا كل من يرقا بمرقاب طاله
ولا كل من صافح نضيف الايادي
هذا علومه فارقه عن فعاله
مثل البياض اللي يخالط سوادي
وهدار وقته بس مالك وماله
الصقر يفرق عن طيور الحنادي
العشق مثل الوسم كلن عناله
وانا وليفي صار اجمل بلادي
حلفت مايسكن بروحي بداله
ولا انساه لين القاه يوم التنادي