اقتباس المشاركة الأصلية كتبت بواسطة النواوي مشاهدة المشاركة
فراشة النور جعل الهم ماصابك
وحاسدك جعله بهمه دوم منصابي
عذر استبيحك لزاير مر مرقابك
يوم إن قافي بفكري غصب يرقابي
جيتك جموح الخيال اللي تهيابك
وجيتي طموح المراد اللي تهيابي
ياحلو قافك بوصفك وإلا عذرابك
ماجانسه في بنات الفكر عذرابي
جيتي وغيرك لمثلك حاسب احسابك
وجيتك وانا اللي مضيع حسبت احسابي
عاداتنا بدو كان القاف غنابك
نستطرب الشعر لين يزيد الاطرابي
دام النوايا سليمه شرعي اكتابك
في المنتدى الف ناقد والف كتابي
عشق المبارز حلاة الذود عمابك
وعشق التحدي يترجم مجمل اسبابي
يأنا عمود الشعر شدتني اطنابك
ياخيمة الشعر كان مراددي طابي
لقيت فيك الوفير الجم يتكابك
واتكيت قبلك بقافي عرض الانكابي
لاصحت فيهم يقولوا الله في بابك
تقول سم الرجال براس مخلابي
وإلا انت يااللي جميل النقش يحنابك
انا طروقي لراعي الشعر محنابي
الهاجس اللي يجيك ودوم ينتابك
صبيه دله لها مولع وشرابي
بن القوافي حمسته والنجر نابك
دقيه نغمه وخلي النجر ينشابي
فراشة النور حظ اللي تهقوابك
وإلا فغيرك منعهم كسر عطابي

حياك الله أخي النواوي، قصيدتك أخجلتني لأنها من شاعر متمكن مثلك
وبصراحة أنت شاعر يجدر الإحتفاء بشاعريته وأخلاقه معاً...شكراً لك